web counter
LEXO PA REKLAMA!

SHKARKO APP

App Store
Google Play

Integrimi, “pendohet” Rama/ “Lind” Ministria për Europën dhe Punët e Jashtme

8 Shtator 2017, 18:03, Aktualitet CNA

Një risi në strukturën e Qeverisë. Burime zyrtare i thanë “Top Channel” se në Presidencë ka mbërritur e firmosur kërkesa e Kryeministrit Rama për dekretimin e Qeverisë së re.

Të njëjtat burime i treguan “Top Channel” për një risi në emërtimin e Ministrisë së Jashtme. Tanimë dikasteri i drejtuar nga Ditmir Bushati, do të quhet Ministria për Europën dhe Punët e Jashtme.

Mesa duket, Edi Rama ka reflektuar në këtë ndryshim, njëfarë shqetësimi që ngjalli mungesa jo vetëm e shkrirjes së Ministrisë së Integrimit Europian, po edhe thjesht mungesa e termit ?integrim europian? në përbërjen e kabinetit të ri, shqetësim që u shpreh dhe nga ambasadori i BE në Tiranë.

Por njëkohësisht, Kryeministri e ka plotësuar këtë boshllëk semantik në ballinën e qeverisë së re, duke zgjedhur emërtimin Ministria për Europën dhe Punët e Jashtme.

Padyshim që ky emërtim e mbyll debatin qoftë për strehën e re të ministrisë së vjetër të Integrimit, qoftë për praninë e termit Europë në përbërjen e Qeverisë së re.

Por nga ana tjetër, emërtimi i ri i Ramës duket sikur thotë se Shqipëria është në Europë, ka një ministri për Europën dhe Integrimi nuk është më një shtojcë ministrore apo semantike, po një aspekt i përkatësisë europiane të Shqipërisë.

Po duket se në emërtesën e re të Ministrisë, tashmë për Europën ka edhe një mesazh edhe ndaj europianëve që e vënë në pikëpyetje integrimin e Shqipërisë, për shkak të shumicës myslimane./ T. Ch.





Lajmet e fundit nga