web counter
LEXO PA REKLAMA!

SHKARKO APP

E fundit!

x

Shkop bejsbolli, thika e gozhda/Çfarë ndodhi mes biznesmenëve në Sarandë

18 Gusht 2017, 12:53, Aktualitet CNA

Detaje të reja kanë dalë në dritë nga sherri i mbrëjes së kaluar, ku dy të rinj u transportuan me urgjencë në spital me plagë të rënda në trup. Dyshohet që shtetasi Alban Baxheri, i plagosur rëndë dhe që është dërguar në spitalin e Janinës, të jetë qëlluar nga 3 shtetas.

Ngjarja ka ndodhur mbrëmë rreth orës 23.00, në një rrugicë mes pallateve në qendër të qytetit bregdetar, në lagjen nr.1.

Ndërkohë, mësohet se i plagosuri tjetër është pjesë e grupit prej 3 vetash që kanë goditur Baxherin. Autorët, siç konfirmojnë burime konfidenciale për BW janë pronarë të një biznesi në Sarandë.

Gjatë sherrit janë përdorur mjete prerëse si thika, por edhe shkop bejsbolli dhe gozhdë me të cilat janë qëlluar palët. Ndonëse është transportuar në Janinë, Baxheri vijon të jetë në gjendje të rëndë./CityNews





Lajmet e fundit nga