web counter
LEXO PA REKLAMA!

SHKARKO APP

App Store
Google Play

Ish- kreu i LSI ironi me shifrat e INSTAT/ Tallje me qytetarët

18 Gusht 2017, 09:55, Aktualitet CNA

Ish- kreu i LSI, njëherazi dhe kreu i grupit parlamentar të LSI Petrit Vasili ka reaguar për të dhënat e publikuar nga INSTAT sipas së cilës pagat janë ulur me 2.1% dhe çmimet e mallrave të konsumit me 1.3%..

Nëpërmjet një postimi në rrjetet sociale, Vasili shkruan se këto shifra tregojnë se qeveria shqiptare nuk ka një prioritet për ekonominë.

Sipas tij, është për të vajtuar kur Rama thotë se ekonomia po rritet, kur ajo nuk prodhon asnjë gram mirëqenie për qytetarët.

Postimin e tij në Facebook, kreu i grupit parlamentar e mbyll duke bërë një thirrje për qeverinë Rama: Boll u tallët me ekonominë dhe me qytetarët.

?Instat tregon se pagat janë ulur me 2.1% dhe çmimet e mallrave të konsumit me 1.3%. Këto janë shifra që tregojnë qartë një ekonomi në krizë, pa prioritete, që ecën përpara me ç’të bjerë dita dhe pa asnjë strategji zhvillimi afatgjatë, pra pa asnjë vizion. Shkollëpakti, kryeministri ynë, na njofton përditë për dëgjesat e degjimeve të vetes, po s’thotë asgjë për ekonominë dhe ka të drejtë, pasi ekonominë e tij e ka në rregull….

Duhet Pakt Kombëtar për Ekonominë. Kjo ecje e çoroditur, pa prioritete, është thjesht dhe vetëm agoni për ekonominë e vendit dhe ekononominë familjare të çdo shqiptari.

Ekonomia e Shqipërisë dhe zhvillimi i saj shumëvjeçar nuk mund të jenë pronë e një maxhorance, e cila mund të jete e paditur si kjo jona apo e lajthitur dhe e kapur, që nuk kupton, se është për të vajtuar kur thotë se ekonomia po rritet, kur ajo nuk prodhon asnjë gram mirëqenie për qytetarët.

Boll u tallët me ekonominë dhe me qytetarët. Është tallje rrënuese kjo?, shkruan Vasili./CityNews





Lajmet e fundit nga