web counter
LEXO PA REKLAMA!

SHKARKO APP

App Store
Google Play

Çupi: S’duam ta kthejmë protestën në grevë urie/ Nuk e përjashtojmë si opsion!

21 Shkurt 2017, 08:33, Aktualitet CNA

Deputetja demokrate, Dhurata Çupi, e cila ndodhet së bashku me qytetarë dhe simpatizantët në protestë, në një prononcim për “Ora News” është shprehur se PD nuk do të donte ta shndërronte këtë protestë paqësore, në grevë urie. Duke qëndruar në të njëjtën linjë, ajo nuk përjashtoi asnjë opsion në funksion të realizimit të kauzës së tyre.

?Ne si opozitë dhe z. Basha si lideri i shumicës së shqiptarëve, e kemi trajtuar si protestë krejt paqësore, ky është një leksion i jashtëzakonshëm për këto 27 vite që me z. Basha bëhen protesta paqësore për kauza të rëndësishme, që i ka fituar të gjitha. Të gjitha opsionet mbeten, nuk do të donim që ta kthenim këtë protestë kaq paqësore në grevë urie. Por padyshim që do ti ezaurojmë të gjitha mundësitë që të jep demokracia”.

Çupi deklaroi se opozita nuk do të tërhiqet deri në krijimin e një qeveri teknike.

?Jemi në shtëpinë e lirisë së shqiptarëve, shumica e tyre kanë kaluar një herë në këtë çadër në këto ditë. Basha tashmë është lideri i shumicës së shqiptarëve, që do ti udhëheqë për një parlament, jo fasadë, për një qeveri, jo fasadë dhe për zgjedhje, jo fasadë. Ky është trinomi që i mban shqiptarët në këtë shtëpi të lirisë dhe ky është trinomi që do ta mbajë opozitën në këmbë deri në zgjedhje të lira dhe qeveri teknike. Protesta do vijojë. Me këtë qeveri dhe miliona të paligjshme që qarkullojnë, nuk mund të ketë zgjedhje të lira dhe të ndershme”. /CityNews





Lajmet e fundit nga