E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Neritan Sejamini fillon intrigat në PD/ Sulmon sekretarët e Bashës

20 Shkurt 2017, 17:19, Aktualitet CNA

Grupimi ?Ne Shqipëria? i drejtuar nga Neritan Sejamini ka nisur intrigat në PD, duke sulmuar sekretarët e Bashës dhe ish-ministrat e PD. Neritan Sejamini, dikur kandidat për deputet i PD dhe Këshilltar i Berishës, i përfolur për disa lidhje të tij të dyshimta, pak kohë më parë Basha e rikthen në PD tek mardhëniet me mediat.

Sejamini gati dy vite më parë ka qenë mbështetësi kryesor me kandidatin për kreun e Bashkisë Tiranë, Gjergj Bojaxhi, i cili u fut në zgjedhje me sloganin ?Ne Tirana?. Sejamini më pas u shkëput nga ?Ne Tirana?, nuk vazhdoi rrugën tek “Sfida për Shqipërinë”, por mbajti lëvizjen ?Ne Shqipëria?.

Ai sot është krahu i djathtë i Lulzim Bashës në departamentin e marrëdhënieve me publikun, njeriu që përgatit mesazhet politike të kryedemokratit.

?Ne Shqipëria? nga ku sot është kujdesur të sulmojë drejtues dhe individë të caktuar brenda PD.

Përmes një postimi në rrjetet sociale, Sejamini sulmon Henri Çilin dhe persona të sponzorizuar prej tij në PD. Gjithashtu, në shënjestrën e tij kanë përfunduar edhe ish-ministra të qeverisë së kaluar dhe sekretari i PD, Arben Ristani.

Postimi i sotëm është intrigë e Sejaminit, ose dora e Lulzim Bashës, i cili kërkon fuqëzimin e ?Rilindjes? brenda PD.

Postimi i ?Ne Shqipëria?

PD-ja ka një problem të madh me të shkuarën e saj. Duhet të zgjidhë atë para se të kërkojë rikthimin në pushtet.

Përndryshe nga çfarë thotë propaganda e pushtetit, problemi i PD-së aktuale nuk është fare se është “e egër”, “maloke”, “jo-qytetare” etj. Në fakt, është komplet e kundërta. PD-ja është komplet e zbutur. Nuk ka fuqi të denoncojë problemet reale të vendit dhe merret me tema idiote si “komunizmi” dhe “Edvin Kristaqi”.

Qeverisja e saj 8-vjeçare ka shkaktuar mjaft probleme. Të gjitha këto po vazhdohen, akoma më keq, nga qeverisja aktuale nëpërmjet koncesioneve skandaloze. PD-ja ama nuk ka kurajo ti denoncojë sepse nuk dëshiron të godasë të shkuarën e saj. E gjitha kjo po forcon zëra të tjerë opozitarë që tani gjejnë hapësirën e tyre të flasin.

Rasti më konkret eshte ligji i arsimit të lartë! Ai është një ligj i blerë nga Henri Çili. E dinë të tërë që është bërë për interes të tij. PD-ja jo vetëm që nuk ja përmend emrin atij, jo vetëm që i përmend shkarazi problemet e ligjit, por vazhdon e promovon figura të rritura nga Henri Çili. Ata që kanë kundërshtuar në sheshe ligjin e arsimit të lartë, duke rrezikuar dhe burgun, nuk mund të mbështesin opozitën për aq kohë sa kauzën e tyre e mbështet Grida Duma.

Kjo duhet të jetë e qartë për këdo brenda PD-së dhe kjo kritikë vlen për sektorë të tjerë si: urbanizmi dhe Enno Bozdo, zgjedhjet e lira dhe Arben Ristani, financat publike dhe Ridvan Bode, opozitarizmi i fortë dhe Majlinda Bregu etj.