web counter
LEXO PA REKLAMA!

SHKARKO APP

App Store
Google Play

E fundit!

x

Mosha e Zonjës/ Nga Edison YPI

4 Nëntor 2016, 08:23, Aktualitet CNA

Ça dreqin keni që pyesni Zonjën për moshën. Zonjës nuk i intereson mosha juaj. Ju pse j’u ha meraku për moshën e Saj. Zonja ka vërtet një mardhënie lozonjare me peshoren dhe pasqyrën. Por problemet me ato dy sende Zonja i zgjidh vetë me dieta dhe të tjera masa, pa pyetjet e tua djallëzore. Nuk i pushtoni dot kështjellat e Zonjës, nuk e lëpini dot mjaltin e koshereve të Saj po i pyete për moshën. Merru me të tjera mosha.

Me moshën e të pa edukuarit, të pa shkolluarit, të korruptuarit, të hajdutit, të mafjozit, të vrasësit, por jo me Moshën e Zonjës. Merru edhe me moshën që e ke lënë pas dore, moshën e Zojushës, që pavarsisht nga pasqyra rrenacake dhe peshorja hilanjose, kurrë s’ka për të qënë më fine dhe më sharmante se Zonja. U bo surrati juaj me pyt për moshën e Zonjës. Ke qef ta përqafosh, ta përkëdhelësh, ta puthësh Zonjën, por nuk të zë gjumi gjithë natën se Zonja nuk të përfill ? Mos u lodh kot duke e pyt për moshën. Merre në dorë situatën, por për mospërfilljen e Zonjës mos u hakmerr duke e pyetur për moshën. Është gabim të merresh me moshën e të vetmes fitimtare në luftën me tiraninë e kohës.

Është burracakëri ta transferosh paaftësinë për përballimin e jetës, mbi Zonjën duke e pyetur për moshën. I ashtuquajturi mister i Moshës së Zonjës është shpikje e mashkullit frikacak dhe dyshues që Zonjën nuk e njeh në thellësi, si njeri që ndjen, pranon, refuzon, dashuron, urren.

Mosha e Zonjës nuk është kronologjike. Mosha e Zonjës është diçka që ti banali, ti materiali, ti aestetiku, nuk e përcakron dot kurrën e kurrës edhe një mijë herë po të lindësh e të vdesësh. Mosha e Zonjës është diçka që ikën e vjen, ngjitet e zbret, duket e zhduket, ngrohet e ndizet, tërbohet e hidhet, rrjedh e derdhet, por kurrë nuk kapet, kurrë nuk matet.

Komplimentoje, ledhatoje, puthe, Zonjën, por kurrë mos e pyet për Moshën. Mosha e Zonjës është si shiu, që bie nga qielli në det, e përsëri në qiell, e kështu në përjetësi. Ti nuk e pyet shiun për moshën. Mos e pyet as Zonjën. /Citynews





Lajmet e fundit nga