E fundit!

18:24 Aktualitet

Mbahet protesta e shtatë në Tiranë kundër qeverisë

Këtë të shtunë po mbahet protesta qytetare e radhës në qen...

UET si Ramizi/ Kërkon të kontrollojë sistemin qeverisës në vend

22 Tetor 2016, 11:03, Aktualitet CNA

Sot disa pedagogë të nderuar në UET kanë publikuar një platformë me 10 propozime e cila në fakt ngjan shumë si përpjekja e Ramiz Alisë për të kontrolluar politikën e vendit pas viteve ?90 dhe në shumicën e tij është me ide të vjedhura, problematika të zgjidhura, kontradiktor dhe në fund mund të quhet thjesht i pavlerë.

Reforma e parë duket tezë e vjedhur. Rithemelimin e republikës e ka artikuluar Astrit Patozi kohë më parë por edhe forcat e tjera politike flasin për senatin, pra për të ndërtuar një parlament me dy dhoma.

Reforma e dytë, financimi më i mirë i jetës politike, është prapë një reformë e vjedhur që në fakt ka disa gafa të pafalshme. Njerëzit e politikës janë më të mirëpaguar sipas ligjit shqiptar. Administrata politike është sërish më e paguara. Pa lënë mënjanë rrogat milionëshe të deputetëve, ministrave etj. Një rritje e pagës së tyre thjesht do të thellonte diferencën dhe asgjë më shumë.

Reforma e tretë Një ligj i ri për lobimin në fakt është thjesht një maskë që UET e Çilit që ta përdori për interesat e tyre. Këtu mund të themi se Çili me pagesë dhe pa patur ligj ka lobuar për forca të ndryshmer politike. Po ashtu duke përdorur maskën e shoqërisë civile luan me tatimet apo taksat.

Reforma e katërt që flet për mjedisin ka në fakt së fundmi një kontradiktë midis UET, qeverisë dhe opiozitës. Qeveria sapo miratoi ligjin për mbetjet ndërkohë ka vendosur memorandum për pyjet dhe gjuetinë.

Reforma e pestë që flet për punësimin dhe të ardhurat. Këta palo-liberalë apo intelektualët e UET duhet të mësojnë një herë e mirë dhe përfundimisht se në kapitalizëm çmimin e vendos tregu dhe sa të vlen lëkura nuk vendoset dot nga interesat dhe klientelizmi që kërkon të përdorë UET.

Reforma e gjashtë na flet për taksat dhe shkon te ajo e sheshta e nivelit 12% që është më lartë se ajo që ka propozuar Opozita dhe pak më eulët se ajo që përdor qeveria. Kjo është thjesht një taksë alla-Çili dhe asgjë më shumë. Një taksë e ulët 9% mund të ulte bazën e tatimpaguesve

Reforma e shtatë, në rast se nuk e dinë duhet të mësojnë se ekonomia shqiptare sot ka motor bujqësinë, energjitikën dhe burimet natyrore të cilat më lart platforma i sulmon. Por nëse nuk e dinë le ta mësojnë se ato që thonë në reformën shtatë janë thelbi i ekonomisë së vendit.

Te reforma e tetë flasin për luftën e monopoleve por nuk e dinë se konkurrenca e lirë garantohet me ligj dhe për këtë ka institucion. Tatimet nuk janë xhandari i konkurrencës dhe kurrësesi nuk mund të përdoren si të tilla. Janë të tjera autoritete, por nëse nuk i dinë bëjnë mirë të lexojnë legjislacionin.

Reforma nëntë ka diçka qesharake, e cila nis te mbështetja e Çilit. Çili del mbron Ramën për reformat në Arsim dhe Shëndetësi dhe nga ana tjetër propozoni që duhet të rritet mbështetja por nuk thonë se këto janë dy sektorë të dështuar pasi kanë frikë të kundërshtojnë pronarin e tyre.

Reforma e dhjetë është një pallavër alla-UET. Asnjë injorant dhe nxënës me shtatë klasë nuk do e thoshte ?Pension social në moshën 65-vjeç dhe 100 euro për fshatin dhe qytetin?. Sërish një kontradiktë me shefin e tyre që reformën e pensioneve e ka quajtur sukses. Kjo reformë e çoi moshën e pensionit në 67 vjeç dhe e dyta nuk mund të jetë njësoj pensioni në fshat dhe qytet për faktin se fermeri ka tokë, bagëti, ka disa të ardhura apo një ushqim të siguruar, kurse në qytet shumë prej të papunëve po marrin kazma dhe po punojnë në patatet e fshatarëve.

Këto që përmendëm më lart janë disa rreshta të shkruara nga pedagogë që dyshojmë shumë se janëa ta autorët. Mund të jenë bërë nga sharlatane që duan të shiten si reforma bipartizane, por në fakt janë nxitja e një individi dhe grupi interesi të një universiteti privat ,jo për të sjellë zhvillim për vendin, por nëpërmjet rreshtave lexon dhe kupton se klientelitzmi i pronarit të tyre kërkon të mbërthejë të dyja palët duke u bërë qesharak dhe i neveritshëm me një platformë që vjen me ide të vjedhura, çështje të zgjidhura, problematika në zhvillim por edhe tematika që kanë vite që diskutohen.

Të nderuarit profesorë nuk mund të reklamohen pas një hartimi të shkruar nga një nxënës në shkollën fillore të Labinotit që ndoshta ka arritur sukses me borxhe, klientelizma dhe pazare politike, por kurrësesi intelektualët nuk mund të pranojnë të ulen kaq poshtë me një pseudo-platformë që ngjan shumë me atë Ramiz Alisë në vitet 90 ku Partia e Punës të ardhmen e pushtetit ekonomik dhe politik do të kontrollonte me bijtë e saj. Kjo platformë është paraqitur sot në median e financuar nga çuni li Labinotit. Nuk ka asnjë ndryshim. Thjesht kërkon që Shoku Henri ta bëjë si Shoku Ramiz dhe palët politike të zbatojne platformën e tij që nuk është gjë tjetër veçse disa teza të vjedhura dhe shumë të përdorura në opinionin publik. /Citynews