web counter
LEXO PA REKLAMA!

SHKARKO APP

App Store
Google Play

E fundit!

x

Eksperti i Rrugores: Ngjarja e Sukthit vrasje, jo aksident!

13 Tetor 2016, 15:31, Aktualitet CNA

Dashnor Deliallisi me shpejtësi 150 km/orë ecte në kah të kundër të lëvizjes në autostradën Tiranë-Durrës. Makina e tij Mercedes Benz me targa AA 979 GV u përplas fatalisht me një makinë tjetër tip Benz me targa AA 694 IL ku udhëtonin tre vajza, Greta Sherifi, Izabela Gega dhe Elona Xhuti.

Përplasja ka qenë aq e fortë se vendi i aksidentit, ngjan me një shesh-lufte, ndërsa trupat e viktimave janë nxjerr pas 1 orë pune nga zjarrfikëset dhe policia.

Një specialist i policisë rrugore që preferoi të mbetej anonim, tha për Opinion.al se, aksidenti nuk ka asnjë shkak tjetër përveç çmendurisë ose konsumimit të lëndëve narkotike apo alkoolit.

Specialisti i Policisë Rrugore i pyetur për ndriçimin në rrugë tha se autostrada Tiranë-Durrës deri në Vorë ka ndriçim, ndërsa nga Vora në drejtim të Durrësit jo. Ndërsa sinjalistika rrugore është e rregullt. Por sipas tij, edhe nëse do të kishte patur shtylla elektrike tragjedia ka qenë e pashmangjshme. Kjo për shkakun se përplasja ka qenë ballore, tej mase e fortë.

Makina ku udhëtonin tre të ndjerat, nga goditja është spostuar 70 metra nga pika e goditjes. Lidhur me ndonjë manovrim të mundshëm ai tha se ?makina me targa AA 694 IL në pronësi të 23 vjeçares Greta Sherifi ka qenë duke udhëtuar me shpejtësi rreth 90 km në orë. Vendi ku ndodhi aksidenti është kthesë. Gjithashtu makina tjetër përballë ka qenë me mbi 100 km në orë. Kjo do të thotë se mundësia për manovrim ka zenë Zero?.

Sipas ekspertit, kjo ngjarje ka gjithë elementet e një vrasje në rrugë dhe jo të një aksidenti rrugor.

Deliallisi, shkaktari i kësaj tragjedie, ku mbeti edhe vetë viktimë, dyshohet se ka hyrë tek mbikalimi i Sukthit dhe ka ecur në sens të kundërt për disa kilometra derisa u mori jetën 3 vajzave të pafajshme. Arsyet nuk dihen pasi kjo ngjarje, deri tani nuk ka asnjë dëshmitar.





Lajmet e fundit nga