E fundit!

21:53 Aktualitet

“Rama, jep dorëheqjen”/ Protestuesit nisin marshimin në rrugët e kryeqytetit

Mijëra qytetarë kanë nisur një marshim nëpër Tiranë, si vi...

Përmbytjet - Mbi 100 banesa në ujë në Kurbin, Dibër e Mirditë/ 152 punonjës në gadishmëri

11 Tetor 2016, 11:56, Aktualitet CNA

Ministria e Punëve të Brendshme bën të ditur përmes të dhënave të Emergjencave Civile situatën dhe masat e marra pas permbytjeve ne zonen e Kurbinit, Dibrës dhe Mirditës.

Reshjet intensive të pasdites së djeshme kanë shkaktuar përmbytje në Kurbin. Rreth orës 19.00 të mbrëmjes së djeshme është shënuar një stuhi, e cila ka sjellë më pas edhe një gjendje të vështirë për banorët e qytetit. Për pasojë është shënuar edhe viktima e vetme e kësaj ngjarjeje Kol Menga 48 vjeç.

Janë përmbytur 30 banesa në zonën e stadiumit, 20 banesa të lagjen ?Demokracia?, si dhe disa banesa në lagjen Sanxhak, Kurbin.

Po ashtu në Shullaz dhe në Malbardhë, në Njësinë Administrative Milot, situata ka qënë më e vështirë sepse dalja e ujrave të përroit ka sjellë përmbytjen e rreth 50 banesave.

Në fshatin Lukth në Mirditë ka patur evakuim për dy familje dhe dëme në materiale dhe bagëti.

Dëme ka patur edhe në Njësinë administrative Komsi, bashkia Mat, për shkak të reshjeve intensive ka ndodhur një rrëshqitje dheu duke dëmtuar një banesë.

Deklarata e MPB bën të ditur se Drejtori i Përgjithshëm i Emergjencave Civile Shemsi Prençi gjatë gjithë natës dhe sot ka monitoruar situatën e krijuar duke koordinuar veprimet e forcave operacionale.

Emergjencat civile bëjnë të ditur se në ndihmë të banorëve të prekur nga reshjet kanë shkuar strukturat e Emergjecave Civile, forca zjarrfikësve, policore, ushtrake dhe të njësive vendore.

Në operacionin në zonën e Laçit janë angazhuar 152 punonjës, 30 mjete dhe 10 motobarka./ Citynews.al

Në vijim deklarata e plotë e Ministrisë së Punëve të Brendshme mbi situatën e përmbytjeve:

Situata dhe masat pas përmbytjeve në zonën e Kurbinit, Dibrës e Mirditës

Rreshjet intensive të rëna kryesisht në orët e pasdites së djeshme kanë shkaktuar përmbytje në zonën e Kurbinit. Një shtetas ka humbur jetën aksidentalisht, si dhe ka patur dëme në banesa, bagëti dhe prodhime bujqësore.

Në ndihmë të banorëve të prekur nga reshjet kanë shkuar strukturat e Emergjecave Civile, forca zjarrfikësve, policore, ushtrake dhe të njësive vendore.

Në operacionin në zonën e Laçit janë angazhuar 152 punonjës, 30 mjete dhe 10 motobarka:

Bashkia Kurbin. Si pasojë e rritjes së prurjeve të përroit, pati dalje të ujërave nga shtrati. Dje rreth orës 19:00 pati stuhi me intesitet shumë të lartë duke u krijuar gjendje kritike për banorët e qytetit, kryesisht në lagjen nr.4, tek Konviktet dhe përgjatë unazës së qytetit.

Për shkak të reshjeve intensive dhe daljes së ujrave të përroit shtetasi Kol Mënga, 48 vjeç ka humbur jetën duke u përfshirë nga rryma e fuqishme e ujit.

Forcat e MZSH-së, në bashkëpunim me forcat e ndërmarrjeve të Bashkisë Kurbin, u gjendën të parat në vendngjarje dhe dhanë ndihmën për evakuimin e banorëve të zonës, si dhe largimin e ujrave nga banesat.

U ngrit Komisioni i Emergjencave Civile të Bashkisë dhe u organizua puna për përballimin e emergjencës së krijuar.

Për pasojë janë përmbytur 30 banesa në zonën e stadiumit, 20 banesa të lagjen ?Demokracia?, si dhe disa banesa në lagjen Sanxhak.

Në oborret e banesave poshtë kanalit të ujrave të larta ka pasur prezencë uji, kurse në tokat bujqësore ka dëme të kulturave bujqësore të stinës.

Në Shullaz dhe në Malbardhë, në Njësinë Administrative Milot, situata ka qënë më e vështirë sepse dalja e ujrave të përroit ka sjellë përmbytjen e rreth 50 banesave.

Në afërsi të autostradës me ndihmën e forcave të policisë janë evakuar 6 familje, më të rrezikuarat.

Në fshatin Delbënisht janë dëmtuar segmente të rrugës kryesore, duke ndërprerë lëvizjen e mjeteve.

Edhe në këtë Njësi Administrative forcat e ushtrisë dhe të policisë janë angazhuar intensivisht për të ndihmuar komunitetin dhe largimin e ujërave nga banesat.

Në të gjithë qarkun e Lezhës hidrovoret po punojnë me kapacitet të plotë dhe nuk ka patur ndërprerje të energjisë elektrike.

Bashkia Mirditë. Në fshatin Lurth, për shkak të reshjeve intensive ka patur dëmtime të banesave, në bagëti dhe në prodhime bujqësore. Janë evakuuar 2 familje, por niveli i ujrave më pas ka rënë.

Qarku Dibër. Në Njësinë administrative Komsi, bashkia Mat, për shkak të reshjeve intensive ka ndodhur një rrëshqitje dheu duke dëmtuar një banesë.

Gjithashtu, në këtë njësi për shkak të daljes së ujrave të përroit nga shtrati ka patur edhe në zonën përreth Uzinës rrezikim të banesave. Bashkia Mat ka avakuuar vetëm 1 familje.

Drejtori i Përgjithshëm i Emergjencave Civile Shemsi Prençi gjatë gjithë natës dhe sot ka monitoruar situatën e krijuar duke koordinuar veprimet e forcave operacionale.

Situata ditën e sotme është drejt përmirësimit për shkak të ndërprerjes së reshjeve intensive dhe masave të marra.