web counter
LEXO PA REKLAMA!

SHKARKO APP

App Store
Google Play

E fundit!

x

Xhafa nga kazani i mbetjeve të Edi Ramës/ Luftëtari i krimit në gjyqësor i zhytur në krim familjarisht

11 Tetor 2016, 11:46, Aktualitet CNA

Partia Demokratike ka denoncuar edhe një herë lidhjet e kryeministrit Rama dhe të bashkëpunëtorëve të tij me krimin dhe trafiqet e drogës. Në qendër të këtij denoncimi është një nga njerëzit më të besuar të Ramës në dorën e të cilit kreu i qeverisë ka lënë reformën në drejtësi. Sipas kreut të Departamentit të Sigurisë në PD, Enkelejd Alibeaj vetëm një kryeministër si Rama mund të vendosë në krye të komisionit të ligjeve dhe në krye të reformës në drejtësi një njeri si Fatmir Xhafa vëllai i të cilit është nën hetim për trafik droge.

?Vetem në kazanin e mbetjeve te Edi Ramës mund të gjesh kryetar komisioni ligjesh, një njeri që pretendon se do të reformojë drejtësinë, ndërkohë që i vellai është në hetim për trafik droge nga shteti Italian. Njeriu i përzgjedhur nga Edi Rama për të luftuar krimin në radhët e gjyqësorit është i zhytur në krimin e familjarit të tij?, theksoi Alibeaj.

Ai sqaroi se antimafia italiane i ka dhënë policisë shqiptare përgjimet që e implikojnë vëllain e Xhafës me trafiqet e drogës, por ai ka ndaluar zbatimin e ligjit.

?Antimafia italiane i ka dorëzuar policisë shqiptare përgjimet për 7 rastet e evidentuara ku është përfshirë drejtpërdrejtë Agron Xhafaj, në importimin, furnizimin, shpërndarjen dhe shitjen e lëndës narkotike në zona të ndryshme të Italisë. Por i përzgjedhuri nga Edi Rama për të luftuar korrupsionin në drejtësi ka përdorur të gjitha levat e pushtetit për të ndalur zbatimin e ligjit edhe pse shteti italian i ka sjelle të plota përgjimet e bëra për Agron Xhafën, vellain e Fatmir Xhafes, prova këto që faktojnë përfshirjen e tij në trafik droge?, tha Alibeaj.

Ai nënvizon se ky është shteti që krijoi Edi Ra me trfikantë e kriminelë. ?Policia hesht, sepse Edi Rames i duhet Fatmir Xhafaj për të bërë drejtesinë sic e do ai, ku mbrohet krimineli, trafikanti, hajduti dhe denohet qytetari që guxon ti kundervihet pushtetit të inkriminuar të Edi Ramës. Fatmir Xhafaj vazhdon të drejtojë komisionin e ligjeve sepse kështu mbron vellain trafikant droge. Ky është shteti që ngriti Edi Rama, me trafikantë, kriminelë, vrasës e tutorë prostitutash. Mbajtja me cdo kusht e pushtetit jashte vullnetit te qytetareve është arsyeja se pse Edi Rama refuzon të zbatoje ligjin e dekriminalizimit.

Aleanca e krimit, drogës dhe plehrave nuk do ta shpëtojë dot Edi Ramën nga zemërimi i qytetarëve.

Shqipëria do të jetë më mirë pa Edi Ramën?, theksoi Alibeaj. /Citynews.al





Lajmet e fundit nga