Nga Ervin BAKU/ Replike e nevojshme me humoristin e famshem Julian Deda

11 Tetor 2016, 19:11, Aktualitet CNA

Ketu jam Jul. Ne krye te detyres. Si gazetar i sportit ne aktivitet. I lire. Pa parti. Sepse sporti dhe arti nuk duhet te merren me partite. Komunikimin e fundit me publikun e kisha te shtunen e kaluar. Nga Lihtenshtajni. Sepse une nuk shkoj ne stadium vetem kur luajme kunder Gjermanise, Italise, Spanjes apo Anglise. Shkoj ne çdo ndeshje te Kombetares qe prej 36 vjetesh. Shkoj çdo jave ne stadium. Ndjek live Kategorine Superiore, Kategorine e Pare dhe Kategorine e Dyte. Edhe te rinjte. Pune pasioni Jul. Ata miqte dhe gazetaret e tu te nderuar te sportit te kane keqinformuar Jul. Sa keq. Sa te mjere. Sa te vegjel. Jam rregullisht ne ekran Jul. Ne News24, Ora News, TVSH, UTV News, etj. Si gazetar dhe opinionist/analist i sportit. Jam po aq rregullisht ne ekran sa edhe ti. Plus kesaj, jam rregullisht te Gazeta Shqiptare. Me editorialet dhe komentet e mia per sportin. Mos flasim pastaj per faqen time Sporti sipas Bakut. Qe ka nje popullaritet te jashtezakonshem. Me pak fjale, nuk jam i harruar Jul. Shyqyr Zotit jo. Ka ende media ne kete vend qe besojne te profesionistet. Te kane keqinformuar me keqdashje Jul. Çudi ! Se ju i keni informatoret te sigurt. Nejse. Te vij te pikenisja e “konfliktit” tone.

Ti ishe i akredituar si gazetar i sportit te dielen. Une nuk kam asnje gje personale me ty. Ne gjithe boten ftohen ne stadiume njerez qe kane nje fare popullariteti ne art dhe muzike. Por keto njerez te famshem si ti nuk i gjen kurre ne tribunen e shtypit Jul. Kurre. Ne asnje rast te vetem. Keta njerez te famshem si ti sistemohen ne tribunen qendrore, ose ne tribunen VIP. Por natyrisht qe kete mund ta di vetem dikush qe ka bredhur shume ne stadiumet e Europes dhe botes. Dhe kjo duhet te ndryshoje edhe te ne… Pra une u mora me thelbin e nje problemi qe duhet zgjidhur. Nuk kisha dhe nuk kam asgje personale me ty. Dhe ne kete linje ishte sot edhe gazeta e sportit Sport Ekspres.

Kaq te mjaftoi ty dhe me sulmove ulet ne jeten time private. Çudi ! Ti nuk je barbon. Ti je njeri me vlera. Vetem barbonet merren me jeten private te te tjereve. Te kesh borxhe te ben njeri te keq Jul ??? Te kesh borxhe nuk eshte turp. TURP eshte te rremosh ne jeten private te dikujt. Turp eshte te merresh me “me tha, i thashe, do i them, i tha, mund t’i thote, etj”… Lere pastaj, nxjerrja e fotos me komunikimin tone privat. Me kujtoi kohet e nje sistemi te urryer qe lame pas. Me kujtoi Sigurimin e Shtetit Jul… Edhe pse isha femije.

PS. Ika Jul. Se do shikoj spektaklin ne Vizion Plus. Kur te kesh kohe, merre Gazeten Shqiptare dhe futi nje te lexume komunikimit tim te fundit me publikun. Ishte vetem para tri ditesh.