web counter
LEXO PA REKLAMA!

SHKARKO APP

App Store
Google Play

Uragani Matthew, 900 të vdekur në Haiti

8 Tetor 2016, 14:16, Aktualitet CNA

Uragani Matthew ka shkaktuar 900 viktima në Haiti. Bilanci pritet të rritet edhe më shumë në ditët në vazhdim. Burimet zyrtare bëjnë të ditur se 90% e zonës është shkatërruar. SHBA nga ana tjetër kanë paralajmëruar se do të duhen ditë para se të kuptohet dëmi i plotë.

Skuadrat e shpëtimit përpiqen të fitojnë akses në pjesët jugore të vendit, të cilat kanë mbetur pa energji. Shumë nga viktimat ishin të vendosur në bregdetin jug-perëndimor që ishte zona më e prekur nga uragani, që tashmë i është afruar vijës bregdetare të Floridas.

Numri përfundimtar i viktimave do të kërkojë kohë që të qartësohet, për shkak të intensitetit të dëmit në zonat e largëta, të cilat janë të përmbytura. Të paktën një qytet i madh në jug, Jeremie, është shkatërruar 80%, teksa pamjet ajrore tregojnë pasjoat katastrofike të këtij uragani. Tre qytete të tjera në jug, po raportojnë dhjetëra viktima e persona të humbur.

Zyrtarë të Kombeve të Bashkuara dhe qeverisë së Haitit kanë përllogaritur se rreth 350.000 persona kanë nevojë për ndihma, ndërkohë që komunikimi me zonat më të prekura, është vështirësuar për shkak të rrëzimit të linjave energjisë. /Citynews.al





Lajmet e fundit nga