web counter
LEXO PA REKLAMA!

SHKARKO APP

App Store
Google Play

E fundit!

x

Maratona e Tiranës/ Nis të dielën në orën 9.00

8 Tetor 2016, 11:58, Aktualitet CNA

Nesër në orën 9.00 nis Maratona e Tiranës. Bashkia e Tiranës bën publik planin e lëvizjes në kryeqytet nesër. Bashkia bën të ditur se ndalohet qarkullimi në rrugën Dedë Gjo Luli.

?Ditën e dielë, në datë 9 Tetor 2016, ora 9.00, Bashkia e Tiranës, në bashkëpunim me Federatën Shqiptare të Atletikës, organizon ?Maratonën e Tiranës 2016?. Një aktivitet, i cili synon ta fusë Tiranën në hartën e maratonave që organizohen në shumë qytete të botës, si dhe të kthehet në një traditë për kryeqytetin.

Për këtë qëllim, Bashkia e Tiranës publikon sot planin e lëvizjes së automjeteve gjatë zhvillimit të aktivitetit, si dhe hartën e itenerarit të maratonës, për të gjithë ata qytetarë që duan të marrin pjesë në këtë aktivitet. Regjistrimi për t?u bërë pjesë e Maratonës së Tiranës është online në faqen e internetit www.maratonaetiranes.al.

Për itenerarin kliko këtu

Ndërkaq, Bashkia e Tiranës dëshiron t?u bëjë thirrje qytetarëve të saj që në datën 9 Tetor të minimizojnë qarkullimin me automjete nga ora 05.00 deri në orën 14.00?, shkruan bashkia e Tiranës në urdhëresën e saj.

Itinerari i Martonës së Tiranës:

Në Maratonën e Tiranës (nisja bëhet përpara Muzeut Kombëtar) do të marrin pjesë 4 kategori:

Fun Run ? 1km, për nxënësit e shkollave të mesme;

Hand Bike ? 2 km, për personat paraplegjikë;

Run (femër/mashkull) 10 km, çdo qytetar shqiptar apo i huaj;

Half Marathon (femër/mashkull) 21 km, çdo qytetar shqiptar apo i huaj.

Kjo maratonë është një mundësi e mirë argëtimi dhe ushtrimi të aktivitetit sportiv  në qytet, si dhe ndihmon për ta kthyer fokusin  në aktivitete me bazë angazhimin fizik.

Plani i lëvizjes së automjeteve gjatë kohës që do të zhvillohet Maratona e Tiranës:

 

Urdhëresa e Maratonës

 

 





Lajmet e fundit nga