web counter
LEXO PA REKLAMA!

SHKARKO APP

App Store
Google Play

E fundit!

x

Kokëdhima kërkon amnisti për përdoruesit e drogës

28 Shtator 2016, 10:20, Aktualitet CNA

Deputeti dhe botuesi Koço Kokëdhima, tashmë është i njohur për pikpamjet e tij liberale ndaj biznesit të drogës. Tezat e tij për legalizimin e drogës në vend u bënë të famshme që para se të bëheshin të zakonshme lajmet për shkatërrimin e parcelave të hashashit në të gjithë vendin.

I ftuar në emisionin Top Show Kokëdhima është shprehur se është dëshpëruese që Shqipëria nuk ka një strategji dhe vizion për të zgjidhur problemet që lidhen me kanabisin. Kokëdhima kërkon amnisti për përdoruesit e drogës dhe kultivuesit e vegjël.

?Vazhdoj të mendoj si në vitin 2014, se është dëshpëruese që Shqipëria nuk ka një strategji dhe vizion për të zgjidhur problemet që lidhen me kanabisin?, nënvizoi Kokëdhima, duke folur në emisionin ?Top Shoë? të gazetarit Alban Dudushi. Teksa mbrojti idenë e tij për legalizimin e kanabisit për qëllime mjekësore, të shpallur pak vite më parë, Kokëdhima ftoi qytetarët të mos e sfidojnë ligjin. ?Fshatarët nuk janë kriminelë, edhe pse shkelin ligjin. Fshatarët nuk kanë alternative të tjera për të jetuar?, tha Kokëdhima.

Duke e quajtur cinike arrestimin e të rinjve përdorues të drogës dhe dënimin e tyre me 5 vjet burg Kokëdhima kërkoi aministi për ata.

?Duhet të bëjmë një amnisti për përdoruesit dhe kultivuesit e thjeshtë të hashashit. Ne i vendosim ata në rrugë kriminale duke ua shkatërruar jetën . Të rinjve, të cilët janë nëpër burgje, t?u japim shanse për jetën?, thekson Kokëdhima.

Mbrojtësi i kultivimit të hashashit Kokëdhima thotë se Shqipëria ka ligjin më të ashpër në Europë për përdoruesit e drogës dhe se ndërhyrjet e policisë nuk mund ta ndalojnë fenomenin.

?Unë nuk jam për ekonomi jolegale. Duhet një strategji për të ndryshuar situatën në vend, e cila është më keq se çka qenë më përpara.?

Kokëdhima thotë se vendi është mbjellë në të katër anët dhe forcat politike duhet të gjejnë zgjidhje për këtë çështje.

Lidhur me legalizimin e droges Kokëdhima është i mendimit se do të sillte shumë të ardhura legalizimi i kanabisit për përdorim farmaceutik. /Citynews.al

 





Lajmet e fundit nga