E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Helikopterët e Kodhelit filmuan drogën prapa Dajtit

28 Shtator 2016, 12:27, Aktualitet CNA

Malësitë e Tiranës janë të veshura nga gjelbërimi i kanabisit. Këtë e konfirmojnë pamjet që publikon Parti Demokratike, e cila i referohet pamjeve të regjistruara nga televizionet gjatë një stërvitjeje ushtarake në Bizë të Martaneshit. Është bërë shkak ministrja e Mbrojtjes Mimi Kodheli që deklarata e Ramës të përgënjeshtrohet nga pamjet televizive që dëshmojnë se në vend ka drogë.

Parti Demokratike përmes kreut të Departamentit të Rendit dhe Sigurisë, Enkeleid Alibeaj deklaron se

?Pa dashje, Mimi Kodheli ka hedhur poshtë deklaratat e Edi Ramës se në Shqipëri nuk ka drogë.

Ajo ka ftuar gazetarë të televizioneve për të ndjekur një stërvitje ushtarake në Bize të Martaneshit, dhe sapo helikopteri është ngritur, para përfaqësuesve të medias janë shfaqur parcelat me kanabis anekënd malësisë së Tiranës?.

Partia Demokratike ka bërë publike pamjet e regjistruara nga News 24. ?Këto janë provat e fundit me pamje, me video, e me foto, që kanabisi ka pushtuar vendin. Mjafton një ngritje rutinë në ajër, për të parë si lulëzon alternativa e Edi Ramës për vendin, droga. Pamjet e filmuara janë publikuar në media, e megjithatë, sërish Edi Rama e mohon, thotë se nuk ka drogë?, thotë Alibeaj.

Zyrtari i PD-së shtoi se ?Droga ka pushtuar vendin, ka zënë shtëpitë, magazinat, trafikohet nga toka, ajri, nga deti, mediat italiane dhe më gjërë raportojnë cdo ditë për këtë alarm që sjell kanabisi shqiptar, ndërsa Edi Rama thotë se Shqipëria është e pastër?.

Partia Demokratike bën përgjegjëse direkt qeverinë për mbjelljen e kanabisit në vend. ?Shqiptarët e dinë se droga i ka rrënjët në qeveri. Shqiptarët e dinë se droga po rrënon vendin, po sjell krime dhe vrasje, dhe po pasuron një grusht trafikantësh dhe qeveritarët e lidhur me ta. Droga dhe plehrat janë alternativa e vetme e Edi Ramës për Shqipërinë. Ndaj dhe Shqipëria pa Edi Ramën është një Shqipëri pa plehra dhe pa drogë?. /Citynews.al