web counter
LEXO PA REKLAMA!

SHKARKO APP

App Store
Google Play

E fundit!

x

ESKLUZIVE-SKANDALI/ Edi Rama përgatit ministrinë e përgjimeve

28 Shtator 2016, 10:37, Aktualitet CNA

Qeveria shpiptare po përgatitet të ketë një ministri të re e cila nga kreu i qeverisë,  Edi Rama, mësohet të quhet Ministri Shteti.

Burime zyrtare i thanë Citynews se kryeministri Rama, pak kohë më parë ka vendosur së bashku me këshilltarët e tij, të krijojë një institucion, që nuk është se nuk ka ekzistuar më parë në Shqipëri, por në këtë rast kjo ministri po krijohet me një skenar që as më diaboliku nuk do ta mendonte për ta zbatuar.

Këshilltarët e kreut të qeverisë kanë përgatitur një projektligj, që ata e quajnë sipas modelit gjerman, por që në fakt duket më shumë si një model alla shqiptar dhe paranojë, pjesë e ?fatkeqsisë? të kreut të qeverisë për të shtënë në dorë shërbimet e inteligjincës shqiptare.

Të njëjtat burime i thanë Citynews se projektligji për ministrin e shtetit do të detyrojë katër shërbimet e inteligjencës që janë: ?Shërbimi Informativ i Shtetit?, ?Shërbimi Informatv i Ushtrisë?, ?Shërbimi i Kontrollit të Brendshëm? dhe  ?Shërbimi i Kontrollit të Brendshëm në burgje?, të raportojnë tek Ministri i Shtetit të Edi Ramës.

Kjo ministri përgjimesh do ketë forcën ligjore për të kontrolluar me detaje këto shërbime  duke marrë kështu në mënyrë antikushtetuese  kompetencat që i takojnë Parlamentit, Presidentit apo dhe disa ministrave të tjerë.

Tre nga katër institucionet kanë varësi nga ministrat e linjës, përjashto SHISH, ato kontrollohen nga eprorët e tyre dhe vetë ministrat  i kanë të përcaktuara në ligj se deri ku mund të shkojë kontrolli i ministrit ndaj tyre.

Nga ana tjetër Shërbimi Informativ i Shtetit mund të hetohet vetëm nga Parlamenti, këtu gjithmonë nuk flasim për procedura administratve, po flasim për përgjime nga këto institucione. Megjithëse ligji i ka të përcaktuar qartë kompetencat e këtyre katër institucioneve të inteligjencës shqiptare, Edi Rama kërkonë që këto të raportojn tek ministri i tij i shtetit duke i rrëmbyer kompetencën ligjore dhe kushtetuese Parlamentit dhe Presidentit, duke i ?vjedhur? kompetencat edhe disa ministrave, për të bërë të mundur që kreu i qeverisë të ketë inforamcion nga vetëm një dorë dhe ky sipas këtij projektligji do të jetë Ministri i Shtetit.

Burime zyrtare i thanë Citynews se projektligji në fjalë i?u është dorëzuar për mendim pak ditë më parë krerëve të shërbimeve të inteligjencës shqiptare të cilët pritet të japin vlerësimet e tyre për këtë projektligj.

Kryeministri i vendit, Edi Rama pasi dështoi me idenë e tij për të ndërtuar një Byro Kombëtare Hetimi, e cila do të ishte si FBI dhe në varësi të tij, tani kërkon një ministri të re përgjimesh për  ta pasur në varësi dhe për ta shfrytëzuar për mbledhjen e ccdo lloj informacioni. /Citynews.al





Lajmet e fundit nga