web counter
LEXO PA REKLAMA!

SHKARKO APP

App Store
Google Play

E fundit!

x

Loja me plehrat është lojë e rrezikshme

25 Shtator 2016, 12:09, Aktualitet CNA

Kryetari i Partisë Demokratike Lulzim Basha në një deklaratë për shtyp ka deklaruar se kryeministri e ka braktisur interesin publik dhe përveç miratimit të ligjit tani detyron njerëzit të mbyllin gojën.

?Miratimi i ligjit të plehrave është një tjetër provë e qartë se qeveria Rama e ka braktisur përfundimisht interesin publik dhe i shërben vetëm një pakice që po pasurohet në kurriz të shumicës. Ky ligj i miratuar në kushte kur kishte dhe ka një vullnet të qartë popullor kundra tij është bërë vetëm për një arsye: për interesa korruptive dhe kriminale?, tha Basha.
?Mbasi e miratoi pabesisht ligjin, tashmë Rama ka filluar një fushatë manipulimi, kërcënimi dhe keqinformimi të publikut për t?i detyruar njerëzit të mbyllin gojën dhe t?i nënshtrohen vullnetit të tij. Qeveria e tij nuk garanton dot as sigurinë ushqimore të produkteve që hyjnë në vend, por Rama do që ne të besojmë se ai do kontrollojë pleharat që ai do importojë?, theksoi Basha.
Kreu i PD-së vijoi duke thënë: ?Loja me plehrat është lojë e rrezikshme. Kudo në botë gjenden mijëra ton mbetje të rrezikshme dhe të dëmshme që presin të shkarkohen diku. Është fakt se një pjesë e tregtisë ndërkombëtare të plehrave është nën kontrolln e grupeve të dyshimta dhe kriminale. Të gjithë ata kërkojnë të gjejnë vende ku nuk ka rend e siguri, ku politikanët të korruptuar jane të gatshëm të shiten për para?.
Basha tha se plehrat do të sjellin vetëm helm në Shqipëri, ndërsa ftoi shqiptarët të heqin Edi Ramën nga pushteti.

?Shqipëria e Edi Ramës është vendi ideal për këtë gjë. Në Shqipëri sot trafikohen me dhjetra mijëra tonë drogë. Ne Shqipëri policia, administrata publike dhe drejtuesit më të lartë të vendit janë të korruptuar dhe të kapur nga bizneset klienteliste dhe nga krimi. Në këto kushte është e sigurtë: plehrat do të sjellin helm në Shqipëri, helm për fëmijët tanë dhe për gjithë vendin. Shqipëria pa Edi Ramën do të jetë një Shqipëri pa plehra. Shqipëria më mirë pa Edi Ramën?. /Citynews.al

 





Lajmet e fundit nga