E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Grabisin karburantin me armë/ Sekuestrohet 4 kg kanabis në banesën e të dyshuarit

17 Shtator 2016, 10:55, Aktualitet CNA

Specialistët për Krimet në Komisariatin e Policisë Krujë, kanë zbardhur dhe dokumentuar një vjedhje nën kërcënimin e automatikut të ndodhur në një pikë karburanti në aksin rrugor Aeroporti i Rinasit-Ura e Gjoles .

Hetimet kanë identifikuar dhe shpallur në kërkim njërin nga autorët e kryerjes së veprës penale, konkretisht shtetasin B.M. 28 vjeç, banues në fshatin Qerekë, Krujë.

Shtetasi i mësipërm, më datë 16.09.2016, rreth orës 01:30, në bashkëpunim me një shtetas tjetër, në aksin rrugor Aeroporti i Rinasit-Ura e Gjoles, me skafandra dhe nën kërcënimin e armës kanë grabitur një pikë shitje karburanti, në pronësi të shtetasit N.V. 51 vjeç, banues në Mallakastër.

Autorët kanë hyrë në kabinën e vendqëndrimit të rojeve dhe shitësve të karburantit, ku kanë thyer me armë zjarri automatik xhamin e derës dhe dritares së kësaj kabine, dhe nën kërcënimin e armës kanë detyruar punonjësit të hapin kasafortën e parave nga e cila kanë marre rreth 300 000 lekë dhe janë larguar me mjetin e tyre motorçikletë e tipit ?Lifan?.

Gjatë kryerjes së kontrollit të zonës përreth u gjet i djegur rreth 300 m larg vendit të ngjarjes motori të cilin kishin përdorur autorët, i llojit 50 CC.

Nga kryerja e veprimeve hetimore në vendin e ngjarjes dhe provat e mbledhura ka rezultuar si autor i dyshuar shtetasi B.M. dhe një shtetas tjetër.

Gjatë kontrollit të ushtruar në banesën e shtetasit B. M. u gjetën dhe u sekuestruan në cilësinë e provës materiale 4 kg lëndë narkotike e dyshuar e llojit Cannabis Sattiva.

Policia vijon punën për kapjen e autorit të shpallur në kërkim, identifikimin e autorit tjetër dhe dokumentimin e plotë ligjor të ngjarjes.

Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale ?Vjedhjes me dhunë?, dhe Prodhimi dhe shitja e lëndëve narkotike? parashikuar në nenet 139 dhe 283 të Kodit Penal. /Citynews.al