E fundit!

08:16 Ekonomi

Izolimi rajonal, 22% e qytetarëve të Ballkanit nuk udhëtojnë fare te fqinjët

Pavarësisht përpjekjeve shumëvjeçare për bashkëpunim rajon...

Krimin me voten e denoncoi Sokol Olldashi 3 vite me pare/ Nga Igli Cara

15 Shtator 2016, 15:14, Aktualitet CNA

Koha bën të vetën për të gjithë njerëzit, ka mendime, ngjarje, opinione e qëndrime që me kalimin e saj harrohen, ka të tjera që po koha tregon se ata që i sollën dhe i përçuan mes nesh, patën inteligjencë dhe vizion për ta parë atë c?ka shumë prej nesh nuk mundën apo nuk deshën të shohin, simptomat e së keqes ishin mes nesh e ndër nesh… rrënjët e degët e saj sot ja kanë marrë frymën demokracisë, lirisë , mirëqënies e çdo gjëje që dukej mirë në këtë vend.
Në këtë sallë, ne kete foltore ,3 vjet më parë Sokol Olldashi, mbajti një fjalim, që jeta e solli të mbetet historik , fjalimi mori shkak nga blerja e votave në zgjedhjet lokale të Korçës nga përfaqësues të Partisë Socialiste.
Kane kaluar 3 vjet nga ai fjalim , fenomeni i blerjes votes jo vetëm mbeti mes nesh, por 11 shtatori tregoi qe ka marrë përmasa të frikshme , kjo dhe për shkak edhe të rritjes së varfërisë, mungesës së vendeve të punës, frikës që po humb dhe vendin që ke, e për më tepër represionit të kësaj qeverie.
Fenomeni i blerjes së votës, karakterizoi zgjedhjet politike të 2013, mori përmasa të frikshme në 2015, e sot në këtë post?Dibra election, këtu në këtë sallë janë deputetët, po janë dhe ata që zanat kanë blerjen e votës.

Janë sot në këtë sallë, ?heronjtë? e turpit të Dibrës,
ata që në derë per administrator u lanë dibranëve Ramën-doktor, janë këtu, Gjiknuri dhe kolege deputete , është madje dhe superheroi Sadri (fjalimi i te cilit eshte shkaku i fitores suaj), janë të qetë në dukje e nën gëzimin e një ?fitoreje? që shumë shpejt do t?i bëjë të mos e marrin rrugën për në Dibër,
deputetë a blerës këtë s?jua them dot unë ….por një gjë do duhet tja them, para Zotit e fëmijve tanë, të gjithë ne një ditë do të na duhet të japim llogari.
Kemi hyrë sot në ciklin më të keq të shoqërisë shqiptare, që hera herës mendoj që ja merr dhe diktaturës komuniste, sot Shqipëria është marrë peng, nga bossët e kanabasit, mafias së koncensioneve, dhe pushtetit të ndodhur në duar të frikshme kriminale.
Edi Rama & company, ndrojani emrin Shqipërisë, e keni bërë ta meritojë të quhet Kolumbi.
Shqipëria e Ramës kryeministër s?ka axhendë kombëtare, s?ka axhendë planesh zhvillimi, s?ka asnjë fije letër ku të tregojë si shkohet nga A në B, ka vetëm si shkojmë mbrapsh nga B në A, apo nga A në A, ka vetëm show qeveritar, takime e ture, turpe e ahengje, fjalime të rëndomta si ato qe degjuam dje ne Diber e batuta vulgare të viteve 80.
Edi Rama sot ka instaluar shtetin e të fortëve, e qeverinë më pa personalitet se gjithë qeveritë përfshirë dhe ato komuniste që mbahen mend.
Ngrini kokat një çast dhe shikojeni këtë qeveri, shikoni ministrat , mes tyre është superministri, Tahiri; ministrat lubi të korrupsionit, janë gratë ministre që megjithë respektin personal për secilën prej tyre e për të qenë i sinqertë me disa nga to , me Ramen kryeminister e humbën atë hijeshi intelektuale që patën 3 vjet më parë.
Edi Rama , ti sot je kryeministri më i paaftë i këtij vendi, në tre vjet qeverisje nuk bërë një reformë që të shkonte deri në fund;
shkretove financat e këtij vendi dhe Brizin e Tatimeve vazhdon e mban aty, rrënove doganat dhe me konsulencë madje britanike;
nuk bërë një rrugë në 3 vjet, po nuk ishe i zoti të mbaroje dhe rrugët e nisura nga ne,
Detyrove Beqjan të jepte mjekësinë me koncension, po dhe Haxhinaston jo më pak,
nuk ka fund lista e pazotësive dhe paudhësive të tua,
por dhe këtë reformën në arsimin e lartë, s?mund t?ja u le pa përmend.
Le maturanët rrugëve të pashpresë, ndërtove një udhëzim e kërkove një aplikim për universitet ku prishe të gjithë rregullat e lojës për maturantët, prindërit e mësuesit e tyre, ke futur gjithë shoqërinë në një kaos, e për cilësi as mund të pritet e flitet me ty, se qeverisja jote asnje një algoritëm nuk arrin të kuptojë e ta bëjë.
Por, per te qene te sinqerte , në këtë çështjen e reformës dhe aplikimit për në universitet kemi dhe ne pjesën tonë të fajit, dhe vazhdojmë ta kemi, teksa nuk i bashkohemi maturantëve në protestë e shoqërisë civile, për më tepër që nuk e çuam në Gjykatën Kushtetuese ligjin për arsimin e lartë.
Edi Rama, cilësi as ndërton dhe as garanton dot në arsim, cilësia është filozofi jete e qeverisje, e vetmja cilësi jotja është sot Shqipëria hambar i kanabasit.

Do vazhdoj të flas për zgjedhjet, do vazhdoj të flas jo nga dëshpërimi e justifikimi i humbjes së PD në Dibër, se fundja bashkine edhe para dates 11 nuk e kishim , per me teper kolegu Sheferedin Shehu nuk ka nevojë as të mbrohet as të justifikohet, të gjithë këtu të majtë e të djathtë e dinë fort mirë se si administrator ai vlen sa të gjithë kryebashkiakët e Ramës të marrë së bashku, do vazhdoj të flas jo vetëm nga fakti se pashë 3 javë rresht çfarë ndodhi në Peshkopi , por dhe nga besimi se nëse duam të ndryshojmë këtë situatë kriminale e vetmja gjë që duhet bërë është t?i shkojmë në rrënjë problemit.

Ajo çka do të përpiqem të shtroj e argumentoj tani, mund të mërzisë e bezdisë dhe disa të krahut tim politik, por ky diskutim duhet bërë qofte dhe me kosto , koha nuk pret, jemi vetëm disa muaj para fushatës së 2017.
PD bëri një betejë të madhe politike për rreth një vit për ligjin e dekriminalizimit, u hoqën 1,2 a 4 deputetë të së majtës nga Kuvendi, sot pak rëndësi ka në gjykimin tim, madje dhe në se i heqim të 19-ët e listës së të keqes.
Duhet të pranojmë që ne u morrëm me pasojën, por jo shkakun, ne drejtuam gishtin mbi Ramën, Ndokën, Frrokët Bushët e Roshët, një pjesë jo vetëm sot janë këtu apo në zyrat e tyre të bashkisë, , por janë dhe atje mes njerëzve duke blerë, kërcënuar, ndarë para e shantazhuar, mjafton një sms e Ramës dhe detashmenti i drogës, prostitucionit e krimit të jetë në krye të pushtetit e fushatave.

Pra, ligji i dekriminalizimit nuk e ka zgjidhur problemin , per kete jam i bindur , sepse ai zgjidh vetem anen dokumentare te tij …..

Zgjedhjet e fundit kanë ndezur dritat e alamit, dy janë rrugët për t?i dhënë fund sistemit të blerjes së votës:
1- një marrëveshje e re politike , te behet me shpejtesi nderhyrja ne reformen zgjedhore …
2-ose do te kete abandonim nga PD e opozita, por dhe cdo forcë politike që e don kete vend.
Personalisht do te me pelqente e para Marreveshja…
Por ,marrëveshjet e mëdha politike kërkojnë burra shteti,
burra qe pranojne kosto personale per vendin , kërkojnë kthesa të mëdha ndryshimi , por në se do të ndodhin, ata që e bëjnë mbeten në historinë e vendit për mirë, përndryshe …..
Por dhe une si shume prej jush nuk shpresoj qe me Ramen kjo te ndodhe … uroj te jem i gabuar por nuk shpresoj…
ditë dhe më të vështira do duken e vijnë,
e shqiptarëve duket që do u mbetet ose protesta deri në rrëzimin e këtij pushteti kriminal ose të abandonojnë vendin, ashtu sic bëjnë prej më se një viti.

Fjala sot ne seance plenare