web counter
LEXO PA REKLAMA!

SHKARKO APP

App Store
Google Play

Drejtësia, vijojnë negociatat/Meta pranon draftin e ri, Basha shmang komentet

21 Korrik 2016, 15:21, Aktualitet CNA

Vijojnë negociatat në lidhje me arritjen e konsensusit mes mazhorancës dhe opozitës në lidhje me reformën në drejtësi.

Tashmë pas ngërçit të krijuar mbrëmjen e djeshme mes palëve, në tryezën e politikës shqiptare është hedhur një draft i ri, për të cilin Knut Fleckenstein ka kërkuar miratimin sa më parë.

Burimet theksojnë se në negociatat që po zhvillohen në Kryesinë e Kuvendit në prani të Ambasadorëve Donald Lu dhe Romana Vlahutin, Kryetari i Kuvendit Ilir Meta ka pranuar propozimet e reja.

Meta mësohet se është larguar, ndërsa kreu demokrat Lulzim Basha nuk ka preferuar të bëjë komente mbi propozimin e ri, por ka thënë që negociatat vijojnë.

Mësohet se drafti i ri synon të japë një zgjidhje mbi KLP dhe KLGJ, por jo me të njëjtën formulë si në rastin e Vettingut, gjë që është kërkuar nga demokratët.

Ndërkohë mësohet se Kryeministri Edi Rama është vënë në dijeni mbi propozimin e ri, ndërsa përmes Twitter duket se ka shprehur dakordësinë e tij për miratimin e reformës, duke mos lënë asnjë shteg për mosdakordësi nga ana e tij në lidhje me të. /citynews/





Lajmet e fundit nga