E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Të gjitha skenarët pse Ilir Meta lufton për të bashkuar palët

21 Korrik 2016, 14:28, Aktualitet CNA

Kryetari i Kuvendit Ilir Meta është angazhuar maksimalisht në rolin e negociatorit mes Kryeministrit Edi Rama, kreut të PD-së, Lulzim Basha, apo edhe Ambasadorëve në lidhje me reformën në drejtësi.

Kalimi i Metës nga një status pothuajse pasiv, në atë të një super-aktivi, madje duke kërcënuar aleatin e tij në qeverisje me largim nga koalicioni apo me dorëheqje nga posti i Kryeparlamentarit duke aluduar për shantazhe ndaj deputetëve përmes sms.

Por çfarë e shtyu Metën në cilësinë e Kryeparlamentarit apo Kreut të LSI-së që përgjatë 1 jave të angazhohet në një proces që ia kishte besuar Petrit Vasilit, duke e mandatuar atë jo vetëm në negociata, por edhe në Komisionin për reformën në drejtësi?

Ajo që po evindentohet tani është se ndërkombëtarët, veçanërisht Ambasada e SHBA, përveç sulmit ndaj kreut demokrat Lulzim Basha, po shikojnë edhe Ilir Metën si njeriun problematik që po pengon procesin e miratimit të reforës.

Një gjë e tillë u pohua sot edhe nga vetë Kryeparlamentari që duke iu drejtuar Ambasadorit Lu në nisjen e seancës parlamentare i tha që të mos dëgjonte llafet lartë e poshtë se Meta bënte lojë të dyfishtë. Në këtë kuadër Meta garantoi diplomatin amerikan publikisht se ai nuk është njeri i lojrave dhe votat e LSI-së i kishte pro reformës.

Por kjo situatë, ku Basha dhe Meta, ndjehen nën presionin dhe dyshimet e ndërkombëtarëve për lojrat në lidhje me drejtësinë, duket se favorizon Kryeministrin Edi Rama. Ky i fundit duke përdorur variantin bazuar në nenin 104 të Kushtetutës mund të çojë vendin në zgjedhje të parakohshme.

Një proces i parakohshëm zgjedhor, pa një qeveri teknike, e gjen LSI-në e drejtuar nga Meta shumë të dobët në njërën anë, dhe në anën tjetër me ndërkombëtarët që kanë dyshimet mbi rolin e tij. Në kushte të tilla, tabela e qitjes së Ramës nuk do të ishte vetëm Lulzim Basha, por edhe Ilir Meta, me synimin për ta dobësuar maksimalisht aleatin e tij aktual, në mënyrë që mos jetë më i pari, po shumë i dobët.

Duket se kjo lojë që mund të nisë Rama, është kuptuar nga Meta , i cili po vepron shpejt për të gjetur një konsensus të mundshëm, i cili më pas do ta nxirrte Kreun e Kuvendit si shpëtimtarin dhe njeriun që me kontributin e tij, mundësoi kapërcimin e situatës së ngërçit.

Pra, Ilir Meta nga njeriu i akuzuar për flirte me Berishën dhe Bashën, nga i kritikuari nga ndërkombëtarët, do të kthehej në njeriun që zgjidhi ngërçin apo krizën. Kjo do t?a fuqizonte atë dhe do të kishte gjithë kohën për të qetësuar ujrat me Ramën, qoftë duke qeverisur edhe një vit me të. Kjo do të ishte një kohë e mjaftueshme për të rikthyer dashurinë e munguar. /citynews/