web counter
LEXO PA REKLAMA!

SHKARKO APP

App Store
Google Play

Drejtësia, si e kanë pasqyruar mediat ndërkombëtare/AP: PD zemëroi Uashingtonin dhe Brukselin

21 Korrik 2016, 15:06, Aktualitet CNA

Mediat ndërkombëtare kanë pasqyruar zhvillimet e fundit politike në Shqipëri, duke përmendur pasojat e dështimit të miratimit të reformës në drejtësi.

Gjithashtu në media është pasqyruar edhe deklarata e Ambasadorit Donald Lu, dy ditë më pare, se për deputetët që nuk do votojnë  do të ketë ndëshkime të ashpra e afatgjata që vijnë nga Ëashingtoni.

Associated Press, Deutche Welle, Daily Mail e të tjera media në zë  shkruajnë për ngërçin e krijuar në Shqipëri dhe tejet të zgjatur tashmë

Paketa e reformës është përgatitur përgjatë 18 muajsh, e sërish, qeveria e opozita shqiptare vazhdojnë të grinden për të, shkruan ?Associated Press?, e cila shpjegon në artikullin e saj se Partia Demokratike i është kundërvënë masave të paraqitura nga ekzekutivi e ka paraqitur një kërkesë të re që ka zemëruar Brukselin e Uashingtonin.

Bëhet fjalë për një reformë të konsideruar të një rëndësie kyçe në bindjen e Bashkimit Europian për çeljen e negociatave të anëtarësimit në vendin ballkanik, vazhdon agjencia prestigjioze e lajmeve. Po i saj është dhe njoftimi se përmes Knut Fleckenstein, Parlamenti Europian i kërkoi liderëve politikë ta votojnë paketën dhe se dështimi do të peshonte rëndë mbi perspektivën e negociatave të aderimit.

?Shtyhet përkohësisht reforma në drejtësi e Shqipërisë, ndonëse presioni ndërkombëtar e bindi partinë më të madhe të opozitës të pranonte draftin final?, shkruan e përditshmja britanike ?Daily Mail?.

Pasojat e një dështimi në arritjen e marrëveshjes i përmend edhe ?New Jersey Herald?.

Pas një angazhimi 18 mujor të politikanëve, ekspertëve vendas, Shteteve të Bashkuara dhe BE-së, vota konsensuale e 140 anëtarëve të Parlamentit për legjitimitetin e reformës u duk se u bë e mundur të mërkurën pas arritjes së kompromisit mes qeverise dhe opozites, por tani është vënë në pikëpyetje thotë ?DW?. /citynews/





Lajmet e fundit nga