web counter
LEXO PA REKLAMA!

SHKARKO APP

App Store
Google Play

Ruanin të mbjellat e kanabisit me armë/ Arrestohen 8 persona

19 Korrik 2016, 08:16, Aktualitet CNA

Policia e Vlorës ka arrestuar 8 persona pasi dyshohen si kultivuesit e 1000 bimëve kanabis. Burime nga policia bëjnë me dije se shtetasit e arrestuar janë  Rajmond Selfaj, 33 vjeç, banues në Vlorë, Saimir Hoxhallari, 36 vjeç, banues në fshatin Orizaj, Berat,  Taulant Kalaj, 26 vjeç, banues në Vlorë (i dënuar më parë për “Vjedhje”), Dorian Rexhepaj, 30 vjeç, banues në Vlorë,  Geraldo Zeneli, 23 vjeç, banues në Vlorë,  Romarjo Ymeri, 21 vjeç, banues në fshatin Orizaj, Berat, Arben Hodaj, 51 vjeç, banues në Durrës dhe Tahir Imaj, 47 vjeç, banues në Vlorë.

Shërbimet e Policisë së Vlorës kanë bërë të mundur arrestimin e këtyre shtetasve pasi janë kapur në flagrancë në fshatin Tragjas i Vjetër, pranë vendit të quajtur “Përroi i vilave”, në një parcelë të hapur posaçërisht për kultivimin e bimëve narkotike, në të cilën u gjetën të mbjella rreth 1000 rrënjë bimë të llojit Cannabis Sattiva, të cilat u asgjësuan me copëtim dhe djegie me zjarr.

Gjithashtu, nga kontrolli i ushtruar përreth zonës ku këta shtetas qëndronin, janë gjetur (të fshehura) dhe sekuestruar në cilësinë e provës materiale 4 armë zjarri: – 1 armë zjarri “Automatik model-56”, – 3 armë zjarri të tjera “Pushkë10, model-56” – 1 krëhër me 30 fishekë të kalibrit 7.62 mm. Policia sqaron se po punohet për zbulimin dhe kapjen e autorëve të tjerë të implikuar në këtë veprimtari kriminale.





Lajmet e fundit nga