E fundit!

11:31 Aktualitet

Tri dekada në polici/ Kush është drejtori i ri që pritet të marrë komandën për Tiranën

Adriatik Tafçiu, i renditur i pari në procesin e vlerësimi...

Reforma në Drejtësi/ Rama thirrje Bashës: Ta votojmë me konsensus

19 Korrik 2016, 11:07, Aktualitet CNA

Kryeministri Edi Rama, i bëri thirrje kreut të PD-së Lulzim Basha, për të miratuar me konsensus Reformën në Drejtësi. Gjatë një konference për shtyp, Rama u shpreh se Aleanca për Shqipërinë Europiane do ta votojë në bllok reformën në drejtësi.

?Jemi shumë pranë marrëveshjes për reformën në drejtësi. Në 21 korrik jemi përballë një zgjedhje të thjeshtë, o të votojmë për njerëzit e thjeshtë që kërkojnë drejtësi, o të votojmë këtë sistem që ka marrë peng vendin. Aleanca për Shqipërinë Europiane do të votojë në bllok për Shqipërinë. O të votojmë me konsensus të gjithë së bashku, o të ndahemi në mbrojtës të dritës dhe në imponues të errësirës. I bëj thirrje Bashës të sillet si lider sepse ka përgjegjësinë e një barrë në atë që historia nuk ja sjell cdo ditë? tha Rama

Më tej, ai u shpreh se nuk mund tia plotësojë PD-së kërkesën për tiu bashkuar kundër SHBA-ve dhe BE. Ai ka komplimentuar rivalin e tij në opozitë për realizimet e arritura, por theksoi se nuk mund të marrë atë që i takon.

?Nuk mund tia plotësojmë dot kërkesën për tiu bashkuar në një front kundër SHBA dhe BE. PD ka fituar në këtë proces të gjithë atë që i takon. E komplimentoj Bashën për realizimet që ka arritur, por nuk mund të marrë atë që nuk i takon?, vijoi ai

Kryeministri i ka bërë thirrje deputetëve për të votuar reformën në drejtësi, ndërsa tha se kjo nuk është blerje vote, por një detyrim si kryeministër i vendit. Ai u shpreh se ka bërë gjithçka për të arritur konsensusin.

?Thirrja ime për ndërgjegjen për deputetët nuk është blerje por një detyrim si kryeministër, jo për hesapin aritmetik të qeverisë, por për llogarinë morale. Kam bërë gjithcka për konsensusin. Kjo nuk është reforma ime apo e një krahu politik. Prandaj le të bashkojmë të gjitha partitë, të dyja koalicionet dhe me dy krahët lart të ngremë shpresën e shqiptarëve dhe duke iu dhënë të gjithëve një mesazh shumë të qartë se nuk ka asgjë të pamundur nëse jemi të gjithë bashkë.?, përfundoi Rama