web counter
LEXO PA REKLAMA!

SHKARKO APP

App Store
Google Play

80 mijë dollarët për foton me Obamën/PD: Prokuroria të hetojë Edi Ramën

17 Korrik 2016, 11:17, Aktualitet CNA

Partia Demokratike i ka kërkuar edhe njëherë Prokurorisë së Përgjithshme të hetojë mbi krimin federal të konsumuar nga Edi Rama, duke investuar 80 mijë dollarë , me të cilat bleu foton me Presidentin amerikan Barack Obama. PD i ka kërkuar Ramës të tregojë burimin e këtyre parave, të cilat u futën në fushatën presidenciale në SHBA.

Deklarata e PD

Gjigandi ndërkombëtar Fox News i shtohet mediave më të mëdhaja të globit që tregojmë me gisht shtetasin e huaj numër 2, por Edi Rama hesht nuk jep asnjë sqarim. Krimi federal që ka investuar Edi Rama me 80 mijë dollarët e tij, është një vepër e rëndë për të cilën Bilal Shehu pritet të dënohet në vjeshtë me 5 vite burg e 250 mijë dollarë.

Ndërsa Edi Rama ka detyrimin e përgjegjësinë publike të tregojë burimin e parave me të cilat bleu foton me Obamën.

A janë para të ligjshme, apo aktivitetit kriminal?

Kush është burimi i 80 mijë dollarëve?

A janë para droge e trafiku ato që u futën në fushatën presidenciale në SHBA, nga shtetasi i huaj numër 2, siç e cilëson FBI Edi Ramën.

Për të gjitha këto ka një kallezim penal në Prokurorinë e Përgjithshme dorëzuar nga Partia Demokratike.

Ne e përgëzojmë organin e akuzës për rastin e fundit të procedimit për korrupsion të anëtares së Gjykatës së Lartë, Majlinda Andrea për 50 mijë euro rryshfet.

Është rasti që Prokuroria të reagojë me të njëjtën kurajo e vendosmëri edhe për 80 mijë dollarëshin e paligjshëm me të cilin Edi Rama bleu foton me Obamën.

Të hetojë Prokuroria e të zbardhë rastin pa u ndikuar nga presioni i kryeministrit, por bazuar vetëm mbi ligj.





Lajmet e fundit nga