web counter
LEXO PA REKLAMA!

SHKARKO APP

App Store
Google Play

Basha i përgjigjet Ramës/ Drejtësia, duhet konsensus dhe vullnet! Cakto negociatorët

17 Korrik 2016, 11:07, Aktualitet CNA

Kryetari i Partisë Demokratike Lulzim Basha përmes rrjeteve sociale i është përgjigjur ftesës së Kryeministrit Edi Rama për debat në lidhje me drejtësinë. Por Basha thekson se reforma në drejtësi nuk zgjidhet me akrobacira politike, por kërkon konsensus dhe vullnet.

“Debat? Në cdo orë, në çdo ditë që të dëshirosh! Për taksat e larta, për arsimin dhe shëndetësinë në ditë të zeza, për ekonominë në agoni, për varfërimin dhe shpunësimin e shqiptarëve, për pasigurinë dhe pushtetin e bandave, për korrupsionin dhe inkriminimin e qeverisjes, e natyrisht edhe për drejtësinë, por sidomos për rruget e daljes nga kriza, që PD i ka të hedhura në alternativën e saj për cdo fushë.

Por Drejtësia, reforma kushtetuese nuk zgjidhet me akrobacira politike e as me shfaqje televizive. Kjo cështje kërkon konsensus e vullnet. Unë dhe Partia Demokratike i kemi dëshmuar të dyja këto cilësi e virtyte që ditën e parë, cilësi e virtyte që kanë munguar rëndshëm në anën tuaj.

Unë nuk besoj se ju keni ndonje mandat për të folur në emër të SHBA e BE, këto pune nuk zgjidhen me Bilalin. Por ti ke mandatin e përgjegjësinë për t’u bërë pjesë e zgjidhjes. Edhe një herë, cakto negociatorët, jepu plotfuqinë të negociojnë zgjidhjen.

Mos u kap pas preteksteve e alibive. Ne kemi ofruar rolin më të gjerë e më të fuqishëm të ndërkombëtarëve në procesin e Vettingut, duke ju përmbajtur Venecias.

Përgjegjësitë e tjera ju takojnë shqiptarëve dhe përfaqësuesit e tyre legjitimë duhet ta cojnë në fund e ta realizojnë reformën në drejtësi”, i përgjigjet Lulzim Basha, Kryeministrit Edi Rama.





Lajmet e fundit nga