web counter
LEXO PA REKLAMA!

SHKARKO APP

App Store
Google Play

E fundit!

x

Skenari/ Ja si LSI-PD do rrëzojnë Ramën nga kryeministër

13 Korrik 2016, 07:13, Aktualitet CNA

Lëvizjet në parlament po tregojnë qartazi se kryeministri Edi Rama, ka humbur mazhorancën dhe po kërkon me çdo kusht që nëpërmjet një mocion besimi të provokojë zgjedhje të parakohëshme në vend sipas neniit 104 të Kushtetutës të Rëpublikës.

Ky skenar i kryeministrit është kuptuar mjaft qartë nga opozita dhe aleati i Ramës në qeveri Ilir Meta. Pikërisht kjo lëvizje ka afruar më shumë Bashën me Metën, qëndrimet e tyre duken thuajse të njëjta dhe të dy janë të vendosur të mos lejojnë kryeministrin Rama, të cojë vendin në zgjedhje të parakohëshme. Zgjidhja për ta tashmë është gati, rrëzimi i Edi Ramës nga kryeministër dhe emërimi i një kryeministri të ri.

Basha-Meta por edhe deputetët ?rebelë? në PS, kanë mundësinë të ?hakmeren? ndaj Edi Ramës. Në rast se kryeministri kërkon mocion besimi të gjithë pritet ta mbështesin qeverine për të shmangur pasojat e nënit 104 të Kushtetutës, që thekson se humbja e mocionit të bësimit detyron presidentin brenda 10 ditëve të shpallë zgjedhje të parakohëshme.

Pas këtij veprimi vjen dhe aksioni  PD-LSi dhe ?rebelë?. Është neni 105 i Kushtetutës i cili u jep mundësinë për një veprim që mund të rrëzojë Edi Ramën nga kryeministër, por pa pasur zgjedhje të parakohëshme. Një kryeministër i mundshëm që vjen nga ?rebelët? socialistë, ky në detyrë deri në zgjedhjet e ardhshme.

Neni 105 i Kushtetutës thotë, Neni 105 (Ndryshuar me ligjin nr. 9904, datë 21.04.2008) 1. Një e pesta e deputetëve ka të drejtë të paraqesë për votim në Kuvend një mocion mosbesimi ndaj Kryeministrit  në detyrë, duke propozuar një Kryeministër të ri. 2. Kuvendi mund të votojë një mocion mosbesimi ndaj Kryeministrit vetëm duke zgjedhur me votat e më shumë se  gjysmës së të gjithë anëtarëve të tij një Kryeministër të ri.  3. Presidenti i Republikës dekreton shkarkimin e Kryeministrit në detyrë dhe emërimin e Kryeministrit të zgjedhur jo  më vonë se 10 ditë nga votimi i mocionit në Kuvend.

Ky është neni që i jep mundësinë një mazhorance të re parlamentare të propozojë një tjetër kryeministër në parlament, PS-ja ka vetëm 55 mandate deputetësh dhe duket qartë që karrigia e kryministrit Rama mbështetet në kembë të thyera.





Lajmet e fundit nga