web counter
LEXO PA REKLAMA!

SHKARKO APP

App Store
Google Play

E fundit!

x

Debatet në Grupin e PD/Patozi: Sjellja jonë ka një faturë politike që e përcaktojnë shqiptarët dhe ndërkombëtarët

13 Korrik 2016, 11:59, Aktualitet CNA

Mbledhja e Grupit Parlamentar të PD-së, ku është diskutuar mbi qëndrimin e kësaj force politike, ndaj draftit hibrid të propozuar nga Shtetet e Bashkuara të Amerikës mbi reformën në drejtësi, është shoqëruar me debate. Disa nga deputetët demokratë kanë kundërshtuar qëndrimin e PD-së, që refuzon draftin hibrid, më konkretisht rolin e ndërkombëtarëve në këtë proces.

Burime nga PD shprehen për Citynews se ish-Kryeministri Berisha ka marrë menjëherë fjalën pasi Kreu demokrat Lulzim Basha ka prezantuar draftin dhe qëndrimin e PD-së. Berisha mësohet të jetë shprehur se roli i ndërkombëtarëve duhet të jetë thjesht vëzhgues, duke e argumentuar këtë me sugjerimet e Komisionit të Venecias.

Por kundër këtij qëndrimi janë shfaqur të paktën 4 deputetë të PD-së, Astrit patozi, Arben Imami, Majlinda Bregu, Genc Ruli.

Deputeti Patozi mësohet të ketë deklaruar se sjellja politike e PD do të ketë një faturë, e cila nuk mund të përcaktohet nga kjo forcë politike, por nga populli dhe ndërkombëtarët.

Në të njëjtën linjë është shfaqur edhe deputetja Majlinda Bregu. Mësohet se pas debateve, ish-Kryeministri ka lënë mbledhjen e grupit parlamentar, duke u larguar para kohe.

Debatet

Berisha: Venecia përcakton që roli i ndërkombëtarëve është thjesht vëzhgues të procesit, jo të kenë të drejtën e vendimmarrjes. kemi diskutuar gjithmonë mbi 3 argumente, moskapjen, sovranitetin dhe të drejtat e njeriut. Venecia ka si detyruese sovranitetin. jemi investuar shumë tek amendamenti 88 për moskapjen. A garantohet sovraniteti kur roli i ndërkombëtarëve është përtej vëzhguesit? Vëzhguesit ndërkombëtarë nuk mund të jenë ekzekutivë.

Patozi: Kemi kërkuar vetë angazhimin e ndërkombëtarëve si garanci, tani po duket sikur kemi ndryshuar qëndrim. Sjellja jonë politike do të ketë një faturë, të cilën nuk e përcaktojmë ne por populli dhe ndërkombëtarët.

Ruli: Këtë që thoni ju sot, e kam thënë unë kohë më parë. Përse ndryshuam qëndrim tani?

Bregu: E kemi kërkuar ne rolin e operacionit ndërkombëtar monitorues. Ne nuk mund të marrin kostot e moskoherencës sonë. Drafti ka ndryshuar 90 % me ndërhyrjet tona. Kush na garanton që puna që kemi bërë nga shtatori deri më sot nuk bie poshtë? Jemi identifikuar sikur nuk duam reformën në drejtësi dhe çështja është çfarë ndodh me këtë parti.

Imami: Duhej të kishim thënë më përpara se nuk e pranojmë rolin e ndërkombëtarëve.

Basha: E vërteta është në anën tonë, ashtu si në rastin e dekriminalizimit. Monitoruesit monitorojnë dhe ofrojnë garanci. Venecia ka deklaruar se opozita është garancia e vetme e procesit. Ne kemi respektuar në çdo moment Komisionin e Venecias.

Bregu: Çështja është ne e kemi me partnerët ndërkombëtarë apo me Edi Ramën? Në k137të spirale që kemi hyrë çfarë ndodh nëse nuk votohet reforma? Të diskutojmë mbi lëvizjen politike dhe jo mbi detajet e kundërpërgjigjes. Ambasadorit Lu i kemi çuar propozimin parimor. Ndërkombëtarët s’mund të kenë rol ekzekutiv, pasi nuk e lejon Kushtetuta një gjë të tillë. /citynews/





Lajmet e fundit nga