web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/ Rama: PD s'do të huajt, i trembet paanshmërisë

13 Korrik 2016, 11:26, Aktualitet CNA

Pas propozimit të Partisë Demorkatike për largim të ndërkombëtarëve nga procesi i  Vetingut ka reaguar kryeministri Rama.

Në një deklaratë për mediat Rama tha se PD i trembet paanshmërisë dhe profesionalizimit të ndërkombëtarëve.

?PD ka rezerva për partnerët strategjik të Shqipërisë. Nuk i do të huajt nëpër këmbë sepse i friket paanshmërisë e profesionalizimit. PD se ka pasur hallin tek vendet e rezervuara? ?tha kryeministri Rama para gazetarëve.

Kreu i qeverisë ftoi sërish Bashën në një takim Bashën, për t’i dhënë zgjidhje, siç tha ai, reformës në drejtësi. Një apel i kryeministrit Rama shkoi edhe për të gjithë demokratët, të cilët, tha ai, s’duhet të lejojnë që e ardhmja e Shqipërisë të jetë peng i frikës nga drejtësia.

“I bëj thirrje publikisht z.Basha, që të mos udhëhiqet nga frika por ta udhëheqë PD-në drejt interesit të madh kombëtar që lidhet me këtë reformë historike e shtetbërëse. E ftoj të ulemi sërish që të flasim si dy shqiptarë. U bëj apel të gjithë demokratëve, që të bëjnë diçka për të mos lejuar që e ardhmja e Shqipërisë të refuzohet nga frika e drejtësisë“, deklaroi kryeministri Rama.

Ndërkohë këtë të mërkurë kujtojmë se Basha tha përpara ligjvënësve demokratë, se s’mund të ketë rol vendimmarrës të ndërkombëtarëve në pozicionin e kualifikimit të kandidaturave për në institucionet e drejtësisë.

Sipas Bashës, ekspertët ndërkombëtarë do të kenë vetëm rol monitorues. Ndërkohë zhgënjim për këtë vendim ka shprehur edhe ambasadori amerikan në Tiranë Donald Lu/Citynews





Lajmet e fundit nga