web counter
LEXO PA REKLAMA!

SHKARKO APP

App Store
Google Play

E fundit!

x

Ja pazari Basha-Meta/ Reforma në drejtësi dhe koka e Edi Ramës

13 Korrik 2016, 10:34, Aktualitet CNA

Partia Demokratike ka refuzuar edhe draftin hibrid mbi reformën në drejtësi, çka me shumë gjasa në seancën e 21 Korrikut, deputetët e saj nuk do të mbështesin miratimin e kësaj reforme.

Kjo do të thotë se drafti nuk do të mund të miratohet për shkak të mungesës së 94 votave, që duhen për ndryshimet kushtetuese. Duket se forca më e madhe në opozitë e drejtuar nga Lulzim Basha ka zgjedhur të mbështesë qëndrimin e padeklaruar zyrtarisht nga LSI-ja, për mosmiratimin e reformës.

Por çfarë fshihet pas këtij vendimi që mund të çojë në një raport të ri marrëdhënien mes PD dhe SHBA? Duket se ekziston një pakt apo pazar mes Bashës dhe Metës, sipas të cilit bllokimi i miratimit të reformës në drejtësi nga opozita, do të pasohet nga qëndrimi i LSI-së për të rrëzuar Kryeministrin Edi Rama.

Kjo mund të arrihet vetëm nëse LSI i heq mbështetjen me votë në Kuvend Edi Ramës me paraqitjen e një mocioni mosbesimi, e cila co të çojë në rrëzimin e Qeverisë dhe krijimin e një mazhorance të re, që do të pasohet nga krijimi i një Qeverie me bazë të gjerë, e cila do të parandalojë zgjedhjet e parakohshme parlamentare, për të cilat nuk janë dakort dy partitë parlamentare, PD dhe LSI.

Tashmë Basha e bëri lëvizjen e tij, ndërsa duket se pas 21 Korrikut do të jetë rradha e Metës për të mos qëndruar më si patericë në mbajtjen në pushtet të Kryeministrit Edi Rama. /Citynews/





Lajmet e fundit nga