Nga Jorida Tabaku/ A është rimëkëmbur ekonomia?

11 Korrik 2016, 18:17, Aktualitet CNA

Dalja nga shifra prej 0.2% e inflacionit në muajin e shkuar, duke qenë 1.2% inflacioni sipas INSTAT, u propagandua nga media qeveritare sikur ekonomia po merr drejtimin e duhur duke krijuar një farë stabiliteti.
Është më se e vërtet që gjendja inflacionare e vendit është 1.2% (në shifër më e lartë se sa gjendja e deflacionit në vend), e shumë larg nga inflacioni i dëshiruar, por nga ana tjetër Bankës së Shqipërisë iu desh të ulte mbi 5 herë normën e interesit për të shkuar në interesa pranë 0% që ekonomia të dilte sadopak nga kjo gjendje. Gjendje nga e cila nuk ka kaluar duke qenë se në raport me një vit më parë ekonomia çmimi i konsumit është 0.2%.
Por ajo çfarë vërehet më shumë me shqetësim është se të gjithë këto të dhëna nuk duket se japin premisa për të nxjerrë vendin nga bataku i konsumit të ulët që kishim në vitin 2015. Sipas të dhënave të INSTAT, konsumi i qytetarëve për vitin 2015 ra me 0.5% ndërkohë që rritja e inflacionit prej 1.2% vjen si pasojë dhe reflektim i taksave dhe tatimeve të reja që janë vendosur nga bashkitë por edhe qeveria.
Për të vërtetuar këtë që përmendëm më sipër mjafton t?i hedhim një sy zërave që janë rritur gjatë kësaj periudhe dhe do të shohim që zërat që kanë pësuar rritje të çmimeve janë të gjithë ato zëra për të cilat kemi rritje taksash. ?Shërbimi arsimor? me 4,8 % pasuar nga grupi, ?Ushqime dhe pije joalkoolike? me 2,7 %, grupi ?Argëtim e kulturë? me 1,6 %, grupi ?Pije alkoolike dhe duhan? me 1,4 %,?
Janë këto zëra që preken drejtë për drejtë nga taksat e rritura nga bashkia dhe nga qeveria, të mos harrojmë tarifat e rritura për studentët, taksat e rritura për reklamën, tabelat, ndërtimin dhe shfrytëzimin e sipërfaqeve, taksat për biznesin e vogël e kështu me radhë. Pikërisht ky është problemi thelbësor i asaj që po ndodh në vendin tonë, qeveria duket se po e rrit artificialisht inflacionin, përmes taksave dhe jo përmes politikave stimuluese për të nxitur konsumin dhe për të mundësuar një ekonomi më të shëndetshme.
Investimet e Huaja në Tremujorin e parë të vitit 2016 kanë rënë me 42% në raport me të njëjtën periudhë të 2015 siç edhe remitancat ndërkohë që depozitat e individëve kanë rënë si dhe interesi i tyre ka rënë nga 0.94% në 0.83%. Të dhënat nga Banka e Shqipërisë tregojnë se depozitat kanë rënë me 10% në krahasim me një vit më parë.
Megjithëse Banka Qendrore, ka rritur injektimin e parave në treg dhe ka luajtur me levën e normës së interesit, sërishmi bankat nuk po gëzojnë nga kredi marrja e rritur nga ana e bizneseve, ndonëse kemi një rritje të lehtë krahasuar me vitin 2016 krahasuar me vitin e shkuar niveli i kredidhënies mbetet 8 mld lekë më e ulët.
Edhe të dhënat e tregtisë me pakicë që tregojnë një rritje me 4.7% të volumit shitjeve duket se është e strukturuar në dyqanet e paspecializuara sa tek pikat e specializuara. Kjo vjen si pasojë më shumë si pasojë e formalizimit se sa e një arkitekture ekonomike në shërbim të një strukture të mirë ekonomike.

Por sikur shifrat të mos bindnin askënd, le të shohim besimin konsumator por edhe atë të sipërmarrjes, që sipas vetë Bankës së Shqipërirsë është në ulje. I gjithë ky mosbesim është i kuptueshëm kur pasojat e politikave qeveritare janë sa për dukje dhe jo realisht për të ndihmuar ekonominë të ecë përpara, janë afatshkurtra, pa vizion. Si shembull mund të kujtojmë atë çfarë ndodhi një javë më parë, ku administrata e kësaj qeverie gjobiti padrejtësisht bizneset dhe më pas bëri një kthim pas si pasojë e presionit.