web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/A duan SHBA një reformë pa Ilir Metën?

11 Korrik 2016, 10:53, Aktualitet CNA

Mbrëmjen e djeshme  Ndihmës Sekretarja  amerikane e Shtetit, Victoria Nuland, bëri të ditur ekzistencën e një drafti hibrid, të ndërtuar me propozime nga mazhoranca dhe opozita, ndërsa i kërkoi politikës shqiptare që t?a miratojë, pasi ai respekton edhe rekomandimet e Komisionit të Venecias.

Por një letër që Kryetari i Grupit Parlamentar të LSI-së, Petrit Vasili, ia drejtonte kreut të Komisionit të Posaçëm parlamentar të Reformës në Drejtësi, Fatmir Xhafaj, bëri publike faktin se partia e dytë më e madhe qeverisëse në vend nuk ishte në dijeni të draftit hibrid.

Pra, drafti që sipas Nuland, i ishte propozuar palëve në negociata nga Ambasadori Donald Lu dhe Ambasadorja Romana Vlahutin, duket se nuk kishte përfshirë LSI-në dhe deputetët e kësaj force politike.

Partia e drejtuar nga Meta ka zyrtarisht në Kuvend 19 deputetë, numri i të cilëve është i domosdoshëm nëse dy partitë kryesore në vend, PD dhe PS, nuk do të arrinin në një konsensus mbi reformën, apo nëse për miratimin e draftit do të përdoreshin votat e trafikuara.

Vizita e Nuland në Tiranë veç mesazheve që i përcolli Kryeministrit Rama dhe kreut të PD-së, Lulzim Basha, në takimet e zhvilluara me to, rikonfirmoi atë që kishte ndodhur më parë, përjashtimin e Ilir Metës nga agjendat e takimeve.

Por së fundmi, fakti që për draftin hibrid të reformës në drejtësi, LSI nuk është vënë në dijeni, tregon se SHBA dhe BE duket se kanë marrë një vendim për të kaluar reformën pa përfshirë partinë e drejtuar nga Ilir Meta.

Nëse është kështu, duket se ndërkombëtarët pas izolimit politik të Kryeparlamentarit, i cili është përjashtuar nga agjenda e takimeve të zyrtarëve që kanë ardhur për vizita në Shqipëri, nuk po e marrin aspak në konsidereratë peshën politike të tij. /citynews/





Lajmet e fundit nga