web counter
LEXO PA REKLAMA!

SHKARKO APP

App Store
Google Play

Koço Kokëdhima shpall divorcin me Edi Ramën

11 Korrik 2016, 10:29, Aktualitet CNA

Koço Kokëdhima konfirmon divorcin politik me Kryeministrin edi Rama, njëherëz edhe Kryetar i Partisë Socialiste.

Citynews 3 ditë më parë raportoi këtë lajm, ndërsa Kokëdhima kishte nisur takimet dhe bisedimet e Ilir Metën, Kryetarin e LSI-së, i cili në anën tjetër ka nisur përplasjet dhe konfrontimin me Ramën.

Por sot përmes një editoriali, gazeta e Kokëdhimës ka konfirmuar ndarjen mes ish-deputetit të Vlorës dhe Kryeministrit. Arben Rrozhani përmes një komenti i përgjigjej një shkrimi të Mero Bazes, i cili ka sulmuar disa herë ish-deputetin e Vlorës, i njohur në qarqet politike si ?Komisari i Jugut?.

Baze ka akuzuar vazhdimisht Kokëdhimën për mënyrën sesi ai po përdorte pushtetin që i kishte dhënë Edi Rama, përfitimin e fondeve, punësimet në administratë, deklaratat e bëra nga ish-deputeti i Vlorës që kërkonte legalizimin e kanabisit, etj.

Në editorialin e fundit, Baze sërisht sulmon Kokëdhimën, ndërsa në Rrozhani në një përgjigje të tij në gazetën e Kokëdhimës, sulmon personalisht Mero Bazen.

Por ndoshta pa dashje, Rrozhani ka konfirmuar ndarjen e Kokëdhimës me Ramën, ndërsa shkruan ?Mero Baze është sot zëdhënësi i atyre që komplotuan kundër mandatit të Kokëdhimës, për t?u dhënë mesazhin deputetëve të tjerë që të mos dalin nga rreshti dhe të bënin siç urdhëron kupola e partisë, edhe pse ky nuk është vullneti i elektoratit. Atë dhe padronët e tij i shqetëson fakti se Kokëdhima nuk u bë i pasur nga politika, por hyri i pasur në të, se nuk ka frikë nga reforma në drejtësi, por kërkon një rrugë të miratimit të saj që nuk çon në dështimin e saj, që nuk ka çifligje elektorale, por zgjedhës që presin zgjidhje?.

Citynews ka paralajmëruar këtë situatë prej të premtes e javës së kaluar, kur Kokëdhima u shfaq në Gjirin e Lalzit në një takim me Ilir Metën, i cili një ditë para takimit me ish-deputetin e Vlorës, në takimin e zhvilluar me Kryeministrin Edi Rama, ka debatuar me këtë të fundit edhe në lidhje me Kokëdhimën.





Lajmet e fundit nga