web counter
LEXO PA REKLAMA!

SHKARKO APP

App Store
Google Play

E fundit!

x

Loja e Metës/ Letra u nis dy ditë më parë

10 Korrik 2016, 21:20, Aktualitet CNA

Pas përfundimit të takimeve të Ndihmës Sekretareas së Shtetit amerikan Victoria Nuland në Shqipëri, mediat publikuan një letër që Kryetari i grupit parlamentar të LSI-së, Petrit Vasili i drejtonte Kryetarit të Komisionit të Posaçëm të Reformës në Drejtësi, Fatmir Xhafës. Në letrën në fjalë Vasili i kërkonte Xhafës informim për negociatat në kuadër të Reformës në Drejtësi.

?Si anëtar i komisioni të posacëm të reformës në sistemin e drejtësise kërkoj nga Ju, të informohem konkretisht lidhur me këto variante zgjidhjeje, te cilat po negociohen, pasi kjo eshte nje domosdoshmëri politike dhe parlamentare si dhe detyrim i imi edhe në cilësinë e kryetari të grupit parlamentar të LSI për të informuar grupin parlamentar si dhe për të formësuar një qëndrim politik e profesional të argumentuar lidhur me to. Nëse ky negocim është tërësisht konfidencial dhe është e pamundur për të më informuar konkretisht për të dhe variantet konkrete që diskutohen,ju lutem më informoni edhe për këtë.? thuhet në letrën e Vasilit.

Por letra e Petrit Vasilit përmban një detaj interesant, që tregon se pas saj fshihet një lojë politike e Kryetarit të Lëvizjes Socialiste për Integrim Ilir Meta.

Bëhet fjalë për datën në të cilën ishte nisur letra dhe publikimi i saj 2 ditë më vonë. Siç duket më poshtë, letra mban datën 8 korrik, pra dy ditë më parë, ndërsa ajo u publikua sot, pas përfundimit të vizitës së Victoria Nuland.

Me anë të kësaj letre, LSI kërkon të deklarojë se është lënë e mënjanuar gjatë procesit të negociatave PS-PD për Reformën në Drejtësi. Por në fakt, koha dhe shfaqjet publike po tregojnë çdo ditë e më shumë se është LSI ajo që po ndikon në pengimin e miratimit të Reformës në Drejësi dhe arritjes së një konsensusi mes palëve politike./citynews





Lajmet e fundit nga