Lista e Blushit drejt fundit/ Ja të akuzuarit dhe pasojat

1 Qershor 2016, 09:57, Aktualitet CNA

Deputeti Ben Blushi, ka akuzuar disa eksponentë të politikës, të cilët po bien një nga një.

Blushi e filloi me një shkrim për Hasanizimin e ?Rilindjes?. Në fokus të shkrimit ishte rasti i Hasan Halilajt, i cili nga Partia Demokratike kaloi në radhët e LSI-së, në kohën kur ishte kryetar i Bashkisë së Kukësit. Më pas në zgjedhjet e vitit 2015 ai kandidoi përsëri për bashkinë, i mbështetur nga koalicioni PS-LSI. Halilaj i humbi zgjedhjet. Përpara disa ditësh ai u shpall në kërkim pasi akuzohet për ?Shpërdorim detyre? për veprime fiktive duke e regjistruar Bashkinë Kukës si si aksioneve në shoqërinë ?Klubi i Futbolli Kukës? sh.a.

?Që Hasani kërkon të bëhet për herë të tretë kandidat dhe kryetar i Bashkisë së Kukësit, kjo për mua s?përbën asnjë problem. Duke mos qenë banor i Kukësit, nuk e njoh bilancin e punës së tij dhe nuk dua ta paragjykoj. Për çka do them më poshtë, bilanci nuk ka asnjë rëndësi, megjithëse mendoj se nëse puna e tij do kishte qenë e suksesshme, ai nuk do kishte arsye të ndërronte parti. Nuk do kishte, pra, nevojë të kalonte nga PD-ja te Rilindja. Duke thënë se nuk dua të gjykoj Hasan Halilajn si person, megjithëse kurrë nuk do të bëja atë që po bën ai, pikëpyetja ime nuk është për Hasanin, por për ata që e zgjodhën.?, artikuloi Blushi në shkrimin e tij

I dyti në listën e të rënëve të Blushit është Elvis Roshi, i cili kërcënoi me sms deputetin. Ky i fundit e publikoi kërcënimin gjatë senacës parlamentare të dy javëve më parë. Dje, Elvis Roshi, dha dorëheqjen, pasi siç tha vetë ai, kishte zbuluar se kishte qenë i dënuar në Itali.

I treti është Qazim Sejdini, kryebashkiaku i Elbasanit ndaj të cilit Blushi ka bërë edhe një libër, ?Kandidati. Së fundmi në qarqet mediadike përflitet se janë dy video-skandale të kryebashkiakëve. Një prej tyre flitet se është pikërisht Sejdini. Ai rrezikon shumë duke parë viktimat e mësipërme të Blushit, të cilët tashmë janë rrëzuar.