web counter
LEXO PA REKLAMA!

SHKARKO APP

App Store
Google Play

Femrave në Arabinë Saudite iu jepet e drejta për të votuar

22 Gusht 2015, 12:02, Aktualitet CNA

Femrat në Arabinë Saudite për herë të parë do të marrin pjesë edhe si kandidate edhe si votuese në zgjedhjet bashkiake që do të mbahen më 12 dhjetor 2015.

Sipas agjencisë zyrtare të lajmeve të Arabisë Saudite SPA theksohet se femrat në vend mund të marrin pjesë në zgjedhjet lokale në muajin dhjetor. Procedurat e zgjedhësve të cilat do të fillojnë ditën e nesërme do të kryhen në qendra të pavarura që do të përcaktohen për gratë.

Edhe Komiteti i Përgjithshëm i Zgjedhjeve Bashkiake në faqen zyrtare të tij ka njoftuar se për femrat do të ndajnë 424 qendra votimi nga 1 mijë e 163 që janë në të gjithë Arabinë Saudite, raporton Anadolu Agnecy.

Sipas kalendarit zgjedhor më 22 gusht ? 14 shtator do të kryhen regjistrimet e zgjedhësve, me 30 gusht -17 shtator do të merren aplikimet kandidatëve meshkuj dhe femra. Ndërsa më 29 nëntor pasi të shpallet lista përfundimtare e kandidatëve deri më 10 dhjetor do të realizohet fushata e zgjedhjeve. Me 12 dhjetor 2015 populli do të votojë në votime bashkiake.

Femrat e Arabisë Saudite në zgjedhjet bashkiake 2005 dhe 2011 nuk kishin marrë pjesë, por mbreti i mëparshëm Abdullah Bin Abdulaziz më 25 shtator 2011 kishe nxjerrë vendimin për votimin dhe të drejtën e kandidimit të femrave.

 





Lajmet e fundit nga