web counter
LEXO PA REKLAMA!

SHKARKO APP

App Store
Google Play

Itali, arrestohet bosi mafioz i "kodit te deleve", ndiqej prej vitit 1993

3 Gusht 2015, 14:29, Kosova & Bota CNA

Autoritetet antimafia në Itali prangosën Matteo Messina Denaro, një prej kriminelëve më të kërkuar në vend, i cili kishte mundur t?u shpëtonte prangave që nga viti 1993.

Messina u arrestua të hënën së bashku me 11 persona të tjerë në një operacion të koordinuar të policisë italiane në ishullin e Siçilisë. Tre prej të arrestuarve janë mbi 70 vjeç.

Policia italiane thotë se ndiqte prej kohësh grupin dhe kishte instaluar kamera vëzhgimi në pemët e një ferme, ku dyshohej se fshihej Messina dhe persona të tjerë të akuzuar për trafik droge.

Si provë materiale hetuesit kanë sekuestruar edhe disa letra udhëzuese, që besohet se janë shkruar prej Messina-s për anëtarët e tjerë të grupit mafioz. Shkrimi është i koduar dhe në të nuk përmendet asnjëherë fjala drogë.

Droga është zëvendësuar në fjalorin e mafiozëve me fjalën dele. ?Delet duhen shpërndarë?, ?Delet janë gati?, ?Delet janë bërë për të qethur? dhe ?Bari për delet është gati?.

Këto janë fjalët kyçe të përdorura nga grupi mafioz, ku sigurisht fjala ?dele? nuk është në kuptimin e parë të saj. Hetuesit italianë besojnë se kur përdorej fraza e parë, kokaina duhej shpërndarë, në të dytën kokaina ishte gati për shpërndarje, ndërsa dy frazat e tjera besohet se janë të lidhura me kultivimin dhe shitjen e hashashit.

Matteo Messina Denaro ishte shpallur në kërkim që prej vitit 1993 dhe në atë kohë besohej si pasaardhësi më gjakatar i ?Kumbarëve? të mafias siçiliane ?Cosa Nostra?. Në një deklaratë të tij, ai ka thënë se mund të mbushte një varrezë të tërë me viktimat e veta.

Operacioni antimafia është përshëndetur nga kryeministri italian Renzi. ?Italia është e bashkuar kundër krimit të organizuar?, shkruan ai në Facebook.





Lajmet e fundit nga