Produktet ushqimore që luftojnë plakjen

21 Qershor 2015, 19:00, Lifestyle CNA

Vera është stina me më shumë fruta të natyrës të cilat mund të ndihmojnë të shërojmë trupin dhe shpirtin dhe po ashtu të arrijmë linjë më të mirë trupore.

Po ashtu këto produkte ndikojnë edhe në ruajtjen e lëkurës sonë dhe e luftojnë plakjen.

Cilat janë këto fruta do t?i mësoni në vazhdim:

Frutat e pyllit: Antioksidantët dhe fitonutrientët e tyre luftojnë kundër plakjes së lëkurës. Frutat e malit janë të pasura me fibra, çka ngadalëson absorbimin e sheqerit në qarkullim të gjakut. Vetëm një gjysmë filxhani me fruta mali çdo ditë do të dyfishojë konsumin tuaj të antioksidantëve.

Grejfruti: Grejfruti është antioksidant i fuqishëm dhe ndihmon të ngadalësohen sëmundjet e lidhura me plakjen. Kjo pemë përmban vetëm 60 kalori dhe ka më shumë fibra se mollët. E hani si pjesë të mëngjesit të shëndetshëm ose në fund të shujtës, për të shmangur efektin negativ në sheqerin në gjak.

Kanella: Antioksidantët në kanellë ndihmojnë trupin për të balancuar nivelin e sheqerit në gjak, të cilat pastaj qetësojnë dëshirën për karbohidrate. Mund të konsumoni me qull tërshëre ose mollë të prerë. Shkopinjtë nga kanella mund t?i shtoni në çaj për shije më të mirë.

Avokado: Ky ushqim nuk përmban kolesterol, është pa natrium dhe është i pasur me acidet yndyrore omega-3. Avokado është i shkëlqyeshëm për heqjen e kilogramëve të tepërt, sepse nxit djegien e kripërave. Po ashtu përmban vitaminë E, çka ngadalëson shfaqjen e shenjave të plakjes. Përdoreni në vend të djathit dhe shtojeni në sallata.

Hudhra: Enzimat në hudhër ndihmojnë të reduktohet niveli i yndyrave të këqija, duke shkaktuar detoksikim natyror. Përzierja e squfurit dhe alicinës i jep hudhrës aromën specifike, por pikërisht këtu qëndron dobia e kësaj perime. Provoni të përdorni hudhër të freskët për salca dhe sallata.

Farat e susamit: Janë burim i mirë i yndyrave të pangopura, vitaminës E, kalciumit dhe lignaneve ? antioksidantëve të cilat ndihmojnë që mëlçia të jetë e shëndetshme dhe djegin yndyrë.

Jogurti me përqindje të ulët të yndyrës: Kalciumi në jogurt ndihmon në humbjen e peshës trupore duke depërtuar në qelizat yndyrore. Jogurti është mes-vakt i shkëlqyer dhe është i pasur me bakteret ?emira?.

Specat djegës: Fitonutrienti kapsaicin frenon apetitin dhe përkohësisht nxit punën e metabolizmit dhe ndihmon parandalimin e nivelit të sheqerit në gjak. Specat djegës mund t?i hani të thatë ose të freskët dhe t?i shtoni në ushqim derisa zieni.

Spinaqi: Pa yndyra dhe i pasuruar me fibra, spinaqi përmban acidin folik, i cili ndihmon shërimin e trupit. Është antioksidant i fortë dhe lufton kundër radikaleve të lira dhe largon yndyrat në bel. Mund ta hani të zierë ose në sallatë.