E fundit!

11:37 Kronika

Ishte në të njëjtën qeli me të birin/ Ndërron jetë i paraburgosuri në Shkodër

Një i paraburgosur në burgun e Shkodrës ka ndërruar jetë n...

Shkaqet e dhimbjes në pjesën e poshtme të kurrizit

26 Prill 2015, 22:22, Lifestyle CNA

Dhimbja në pjesën e poshtme të kurrizit është një përvojë që shumë njerëz e kanë gjatë jetës së tyre. Dhimbja këtu mund të jetë intensive dhe është një nga shkaqet kryesore të humbjes së punës.

Simptomat variojnë nga një dhimbje e shurdhër deri në ndjesinë si çpim thikash. Dhimbja mund të vështirësojë lëvizjen ose qëndrimin drejt. Dhimbja akute në kurriz vjen papritmas, shpesh pas një plagosje nga sporti ose ngritjes së peshave të rënda.

Tendosje e muskujve ose shiatiku?
Dhimbja në pjesën e poshtme të kurrizit si pasojë e ngritjes së peshave të rënda ose ushtrimeve shumë të vështira, shpesh shkaktohet nga tendosja e muskujve. Por ndonjëherë kjo dhimbje mund të jetë e lidhur me fryrjen ose krisjen e një disku ndërvertebror, i cili shtyp nervin shiatik dhe dhimbja mund të kaloje nga vithet poshtë një këmbe.

Shkaqet e dhimbjes së pjesës së poshtme të kurrizit:

? Puna
Nëse puna juaj përfshin ngritjen, tërheqjen, apo ndonjë gjë që shtrembëron shpinën, ajo mund të kontribuojë për dhimbjen e tij. Rreziku qëndron edhe nëse qëndron ulur përpara një tavoline gjithë ditën, sidomos nëse karrigia është e parehatshme ose nëse keni tendencë për të qëndruar shtrembër.

? Çanta
Edhe pse mund të vendosni çantë shpine, ose çantë mbi supe, është pjesa e poshtme e kurrizit që mban pjesën e sipërme të trupit duke përfshirë çdo peshë shtesë që ju mbani. Pra, një çantë e mbingarkuar, veçanërisht në qoftë se e mbani atë çdo ditë, mund të tendosë shpinën. Nëse nuk mund të shmangni mbajtjen e një peshe të rëndë, konsideroje për të mbajtur një çantë me rrota.

? Stërvitja
Mbingarkesa e stërvitjes në palestër është një nga shkaqet më të zakonshme të muskujve tepër të tendosur që çojnë në dhimbje të shpinës. Jeni veçanërisht i pambrojtur nëse keni tendencë të jeni joaktiv gjatë javës së punës dhe pastaj shpenzoni orë të shumta në palestër në fundjavë.

? Zakonet tuaja
Prindërit kishin të drejtë kur thonin, “qëndro drejt”. Kurrizi mban peshën më mirë kur nuk rrini shtrembër. Pra qëndrimi ulur duhet të jetë me mbështetje të mirë të mesit, shpatullat prapa, dhe këmbët që pushojnë në një stol të ulët. Kur qëndroni në këmbë, mbani peshën të balancuar në mënyrë të barabartë në të dy këmbët.

? Hernie diskale
Shtylla kurrizore është e lëvizshme dhe resistente në saj të disqeve ndërvertebror që ndajnë rruazat nga njera tjetra. Disqet ndërvertebror funksionojnë si amortizator, por që janë të prirur për t?u konsumuar nga plakja apo plagosjet.
Një disk i dobësuar mund të thyhet apo të fryhet, duke ushtruar presion mbi rrënjët nervore të kurrizit. Kjo njihet si hernie diskale dhe mund të shkaktojë dhimbje të forta.

? Sëmundje kronike
Disa sëmundje kronike mund të çojnë në dhimbje të shpinës.
? stenoza kurrizore është një ngushtim i hapësirës përreth palcës së shtyllës kurrizore, e cila mund të ushtrojë presion mbi nervat kurrizore.
? spondilitis i referohet dhimbjes kronike të shpinës dhe ngurtësi për shkak të inflamacionit të rëndë të nyjeve bashkuese kurrizore.
? Fibromialgjia shkakton dhimbje të përhapura të muskujve, duke përfshirë edhe dhimbje të shpinës.

Kush është në rrezik për dhimbje të shpinës?
Shumica e njerëzve ndjejnë këtë dhimbje për herë të parë rreth moshës 30. Probabiliteti për sulme të tjera rritet me moshën. Arsye të tjera për dhimbje të shpinës mund të jenë:
? Të jesh mbi peshë
? Jetesë jo aktive
? Punët që kërkojnë ngritjen e peshave të rënda