Gazeta belge: Frroku u dënua në Hollandë për drogë

2 Prill 2015, 17:46, Aktualitet CNA

(Shkrimi i plote)Këshilli i Mandateve në Shqipëri do të vendosë sot (shkrimi është botuar më 31 mars në median belge) për t?i hequr mandatin parlamentar Mark Frrokut

Deputeti është dënuar në mungesë, në vitin 2010, me 10 vite burg për vrasjen e një shqiptari, në stacionin e trenit Midi në Bruksel. Ky vendim është rrëzuar dhe një gjyq i ri duhet të ishte zhvilluar në Nivelles. Por ai (Frroku) në këtë rast nuk është krejtësisht i pastër! (Përshtatje me shprehjen franceze: L?Homme n?est vraiment pas un enfant de choeur). Më 5 mars 1999, një shqiptar, Aleksandër Kurti, u gjet i vrarë me goditje thike në sheshin ?Fonsny?, përballë stacionit Midi në Bruksel.

Katër persona, të gjithë shqiptarë, u arresuan për krimin që kishte si sfond botën e prostitucionit dhe trafikun e qënieve njerëzore me destinacion Britaninë e Madhe. Kurti kishte cënuar aktivitete të tjera të tutorëve bashkëatdhetarë të tij. Një gjyq u zhvillua në janar të vitit 2010. ? Midis tyre, ishte edhe Mark Frroku?, i cili hiqej si shtetasi kosovar, Besnik Morina kur ishte duke punuar në Belgjikë dhe Holandë. Ai u dënua me 3 vjet burg për trafik droge në Hollandë. Autoritetet hollandeze më 7 maj të vitit 2004 e kanë ekstraduar në Belgjikë. Frroku nuk ka pritur procesin gjyqësor dhe ka marrë arratinë. Prandaj është dënuar në mungesë.

Por me kërkesën e Prokurorisë së Përgjithshme në Bruksel gjykata e Kasacioinit anuloi ndalimin për Frrokun dhe një bashkëpunëtor të tij Arjan Bytyci. Një proces duhej të zhvillohej në shkurt 2014 në gjykatën e Nivellës. Pastaj, asnjë lajm nga ai në Belgjikë, sepse simpatiku Mark Frroku na është zgjedhur deputet i parlamentit shqiptar. Është deputeti i vetëm i një partie të vogël Kristiandemokrate me seli në Tiranë. Duket e çuditshme, por një vrasës i hershëm dhe i kërkuar nga autoritet belge ka arritur të zgjidhet deputet në mënyrë demokratike në një vend europian. Ka kohë që Belgjika kërkon që të na e kthejnë për procesin e Nivellois. Por ka të reja, Frroku dhe një deputet tjetër Tom Doshi janë ndaluar të enjten e kaluar në Tiranë. Ata kanë akuzuar kryetarin e Parlamentit për organizimin e një komploti për vrasjen e tyre. Deklarata që zbulohen të jenë të rreme.