web counter
LEXO PA REKLAMA!

SHKARKO APP

App Store
Google Play

Vasili: Faktet thellojnë skandalin “Doshi”

11 Mars 2015, 18:25, Politikë CNA

Kreu i Grupit Parlamentar të LSI-së, Petrit Vasili ka deklaruar se deputeti Tom Doshi i ka dhuruar Petrit Çinarit një aparatament nëpërmjet gruas së Çinarit. Sipas Vasilit dhurimi i apartamentit është bërë pak para ngritjes së akuzave nga ana e Doshit. Vasili ka shtuar se Çinari është një person me probleme mendore dhe për këtë ai ka treguar dhe çertifikatën mjekësore që e vërteton këtë fakt. Ai ka kërkuar që organi i akuzës të bëjë zbardhjen e plotë, pasi janë fakte me peshë të rëndë.

?Petrit Cinari gjoja personi i dytë që pretendon Doshi se do ta vriste, është person me probleme psikike të provuara me kartelën e tij mjekësore, i trajtuar nga institucionet të shëndetësisë shqiptare. Tom Doshi deklaroi dje se nuk e njeh këtë qytetar, veçse e ka marrë vesh rastësisht dëshminë e tij në prokurori. Por sot po ju bëj publike certifikatën e gjendjes familjare të Petrit Cinarit. Ai është i martuar me Alma Nasi Cinarin lindur në Libofshë të Fierit. Personi panjohur nga Tom Doshi , pa asnjë lidhje na rezulton se gruas të tij zoti Tom Doshi i ka bërë dhuratë një apartament 80 metra katrorë me vlerë 80 mijë euro. Kjo dhuratë është bërë në gusht të vitit 2014, 3 javë para se të deklaronte vrasjen apo atentatin e përgatitur se do ndodhte?, sqaroi Vasili.

?Prokuroria të nisë hetimet për dëshmitarëve të fabrikuar si vrasës. Ky është një ndër faktet. Ka të tjera fakte që thellojnë skandalin. Denoncim me prova dhe dokumente. Denoncimi do vijojë edhe në orët në vijim.? shprehet kreu i Grupit Parlamentar të LSI-së në një deklaratë për mediat.

Dje deputeti Tom Doshi deklaroi se Petrit Cinair, një ish-oficer, qitës ka marrë porosi nga babai i Ilir Metës për ta vrarë. Sipas Doshit ky i fundit e ka refuzuar këtë ofertë dhe se ka dëshmuar për gjithçka në Prokurori.

 





Lajmet e fundit nga