web counter
LEXO PA REKLAMA!

SHKARKO APP

App Store
Google Play

Margarita Xhepa dhe Mirush Kabashi në skenën e Pejës

8 Mars 2015, 08:00, Aktualitet CNA

Mirush Kabashi, Margarita Xhepa dhe shumë artistë të tjerë nga Shqipëria ishin dje në qytetin e Pejës, pjesë e një programi kulturor që qyteti kishte planifikuar me rastin e festimit të 7 Marsit- Ditës së Mësuesit. Drejtori i Drejtorisë për Kulturë në Komunën e Pejës, Engelbert Zefaj, pohoi se qyteti i Pejës si vend i traditave dhe vend i kulturës është shumë krenar për vizitën e këtyre dy emrave të mëdhenj të artit shqiptar. ?Jemi shumë të kënaqur që për Ditën e Mësuesit në qytetin tonë janë prezent disa nga emrat më të mëdhenj të artit shqiptar, e në mesin e tyre edhe aktorët Mirush Kabashi dhe Margarita Xhepa? , u shpreh mes të tjerave Zefaj. Ky program është organizuar nga Forumi Demokratik i Gruas, por që është mbështetur edhe nga Kuvendi Komunal i Pejës dhe u prezantua në Teatrin e Qytetit ?Istref Begolli?.

Ndërkaq që më herët edhe dy aktorët e njohur të teatrit dhe filmit shqiptar, Mirush Kabashi dhe Margarita Xhepa në fjalën e tyre kanë shprehur falenderime për organizatorët e këtij programi, ndërsa të dy ata nuk munguan në skenë për të uruar në Ditën e Mësuesit. Por me festimet e Ditës së Mësuesit, nisi dhe aktiviteti ?Kultura pejane ndër vite?, që zgjat deri më 15 mars. ?Kultura pejane ndër vite?, është një aktivitet tradicional që vjen vit pas viti në qytetin e bukur e me traditë të Pejës, dhe as këtë vit nuk do iu mungojë qytetarëve pejanë.

 





Lajmet e fundit nga