web counter
LEXO PA REKLAMA!

SHKARKO APP

App Store
Google Play

E fundit!

x

Autoriteti i Konkurrencës hetime për blerjen e energjisë, PD pretendon se ka abuzime

4 Mars 2015, 07:00, Aktualitet CNA

Autoriteti i Konkurrencës ka nisur një hetim lidhur me çështjen e blerjes së energjisë elektrike nga OSHE, me qëllim mbulimin e humbjeve në rrjet, pasi ka marrë shqetësime se mund të ketë marrëveshje të fshehur lidhur me çmimin që ofrojnë kompanitë. Kjo u deklarua nga shefja e këtij institucioni, Lindita Lati, e cila ishte e ftuar dje në Komisionin Parlamentar të Veprimtarisë Prodhuese, në të cilin është duke u diskutuar projektligji për energjinë elektrike.

?Bazuar në bashkëpunimin me ERE jemi njoftuar se gjatë vitit 2014  ERE i ka kërkuar OSSHE që të zbatojë rregulloren e KESH. Por përsëri edhe zbatimi i kësaj rregulloreje pati probleme dhe ne kemi pasur ankesa të shpeshta në lidhje me procesin në vetvete dhe për këtë arsye bazuar edhe në një ankesë shumë të detajuar juridike në lidhje me mënyrën, ose më mirë me mundësinë potenciale të rakordimit midis firmave të cilat merrnin pjesë në këtë proces tenderimi, vetëm për këtë segment tregu, kemi hapur hetimet për të parë potencialisht kushtet e sjelljes së bashkërenduar të tregtarëve që ofrojnë këtë shërbim?, tha ajo para deputetëve. Më tej zonja Lati deklaroi se nga hetimet e deritanishme nuk është konstatuar ndonjë komunikim mes firmave dhe operatorëve për këtë çështje. Megjithatë ajo tha se po hetohet edhe një pistë tjetër, por që preferoi të mos e bënte publike.

?Autoriteti i Konkurrencë ka përfunduar seancën dëgjimore me palët, si me ofruesin e shërbimit ashtu edhe me ofertuesin dhe në kushtet aktuale jemi duke parë për një pistë tjetër. Meqë është një procedurë hetimore kaq mund të shprehem?, vijoi ajo. Deputetët e opozitës në komision akuzuan kompanitë elektroenergjitike se kanë kryer abuzime me tenderët për blerjen e energjisë elektrike. Deputeti Helidon Bushati bëri thirrje që të hetohet me imtësi kjo çështje, shkruan e përditshmja ?Sot?.

 

 





Lajmet e fundit nga