web counter
LEXO PA REKLAMA!

SHKARKO APP

App Store
Google Play

Linja Doshi- Kokëdhima po triumfon mbi Ramën

2 Mars 2015, 10:02, Aktualitet CNA

Deputeti Tom Doshi po ja del të gjunjëzoj kryeministrin Edi Rama me shantazhin e tij.

Në 24 orët e fundit, Doshi ja ka dal përmes mbështetjes së deputetit Kokdhima, të gjunjëzojë kryeministrin Edi Rama dhe ta relatavizojë konfliktin e tij me qeverinë si diçka banale.

Kokdhima është angazhuar personalisht në lobim, duke u telefonuar deputetëve dhe duke e relativzuar çështjen si gjaknxehtësi.

Fillimisht ai ka tentuar ta paraqesë konfliktin si jopolitik dhe më pas ka ka thyer disa mbështetës të vijës së ashpër kundër Doshit, që të mjaftohen me një autokritikë të Doshit dhe premtim që nuk do të flasë më.

Kryetari i Grupit Parlamentar, Gramoz Ruçi, ka qenë me Ramën në Rumani dhe nuk ka folur rreth kësaj çështje, por është nën presionin e kryeministrit për të mos u shprehur.

Burime afër tij flasin se ai është mbështetës i largimit të Doshit nga PS, pas shantazheve të tij publike.

Nëse linja Doshi- Kokëdhima triumfon përfundimisht në mbledhjen e Grupit Parlamentar, autoriteti i qeverisë do të marrë një goditje të rëndë dhe kryeministri real i vendit do të jetë Tom Doshi.

Shumë deputetë apo socialistë që janë shprehur kundër Doshit, nëse ndodh kjo, mund të marrin vendimet e tyre për të ardhmen politike jashtë influencës së Kokdhimës dhe Doshit.

Reagimi më i ashpër kundër tij pritet në Shkodër, ku deputetët kanë shprehur qëndrimet publike kundër.

Ndërkohë, kandidatja e Partisë Socialiste për Shkodrën, Keti Bazhdari, mund të rishikojë vendimin e saj për kandidim, në rast se zhvillimet shkojnë në këtë kahë.





Lajmet e fundit nga