E fundit!

08:32 Kosova & Bota

Pse Evropa Qendrore nuk është e përgatitur për valën e të nxehtit që po afron?

Një valë e fortë të nxehti pritet të përfshijë Evropën Qen...

“Molla e sherrit” PS-LSI, një analizë për Pogradecin

2 Mars 2015, 09:15, Aktualitet CNA

Elvi FUNDO

Zgjedhjet e 21 qershorit vazhdojnë të mbajnë të tendosura mardhënien PS-LSI, kjo për ndarjen e tortës të kandidatëve, duke përcaktuar të gjitha zonat ku do garojë secili subjekt.

Socialistët duken më të qetë dhe të qartë në negociatat e tyre, ndërsa LSI po lufton fort të rrëmbeje ctë mundë nga pushteti vendor. Meta është i vetëdijshëm që pa pushtet vendor, në zgjedhjet e ardhshme parlamentare mund të jetë më i dobët. Pushtetarët lokalë mund ti japin e tij të tjera vota në thesin e zmadhurar ose llastikë të LSI-së. Thes ky që zgjerohet me të gjitha mënyrat pa përjashtim. Këtu nuk përjashtoj cdo makinacion të mundshëm elektoral, përfshi edhe blerjen e votës.

LSI-ja kërkon gati 30% të pushtetit vendor dhe njësi me peshë administrative dhe investime, sic është Berati, Fieri ose Vlora, Kukësi etj. Në fakt ngecja është tek Pogradeci, pasi tashmë Rama ka dorëzuar shumicën e njësive që kërkon Ilir Meta. Berati dhe Kukësi janë të sigurt për LSI, por edhe Fieri duket se nuk do i shpëtojë Metës dhe të tijëve, por ?molla e sherrit? ngelet Pogradeci.

Në qytetin liqenor LSI ka struktura të konsoliduara dhe ndoshta pas Skraparit mund të jetë një nga zonat ku mund të quhet bastion, në një pjesë të saj. LSI shfrytëzoi një përplasje brenda PD dhe një grup demokratësh shkuan te LSI në zgjedhjet lokale të vitit 2007. Një grup që rezultoi vërtet balanca politike në këtë zone. Ne vitin 2009 LSI në qarkun e Korcës mori gati 6 mijë vota nga të cilat gati 3 mijë vota në rrethin e Pogradecit.

Në vitin 2011, PD-ja i la LSI-së 3 njësi në rrethin e Pogradecit, Bashkinë Pogradec, Komunën Bucimas (Starovë) dhe komunën Trebinjë. Komunat u fituan ndërsa bashkia u humb me një diferencë të thellë. Kandidati i PS Artan Shkembi, kandidonte për herë të tretë dhe përsëri thelloi diferencën me kundërshtarin. Aleanca LSI ? PD, dështoi në qytet.

Në zgjedhjet e vitit 2013, LSI mer rreth 15 mijë vota në qarkun e Korcës, duke rezikuar ti rrëmbeje dy deputetë PS-së në koalicion, diferenca ishte shumë pak vota që ish-aleatët e Berishës të kishin deputetë të qarkun e Korcës, qa në Berat ku kanë bastionin e tyre.

Vetëm në rrethin e Pogradecit LSI-ja mer gati 9 mijë vota dhe pjesa tjetër në të gjithë qarkun, rezultat që tregon se strukturat e Pogradecit dhe vecanarisht Komunës Bucimas ishin në eficensë të plotë. Vetëm një zonë dha vota, shume më tepër, se më shumë se gjysma e qarkut. Vota që në fakt nxorën deputet dikë që ndoshta se meritonte por që kishte lidhje më të forta me Metën se drejtuesi i strukturave të Pogradecit.

Tashmë ka ardhur rradha që Roshi Tollozhina, kreu i komunës Bucimas të kërkojë një njësi të madhe administrative, pasi thesin e LSI e ka mbushur sa herë ka qenë nevoja dhe një zonë ku qyteti ishte majtas e komuna e Staroves djathtas tashmë, pas disa gabimeve të PD, janë dy forca të majta në krye në Pogradec.

Në zgjedhjet e qershorit 2013 në shumë QV, PD ishte force e tretë diku dhe e katërt pasi në ndonjë kuti kishte më shumë vota PR. Ky rezultat i PD dhe ngritja e LSI është totalisht përgjegjësi e deputetit të asaj zone Fatbardh Kadilli dhe drejtuesve lokalë të PD që sot fshihen pas gishtit, apo dikush rrëmben ndonjë post politik në parti. Në fakt rezultatet elektorale i nxjerin thjesht të dështuar.

Duke u kthyer tek ?molla e sherrit?, Rama-Meta kanë një debat shumë të fortë për Pogradecin që kreu i LSI e do më cdo kusht. Ai me këtë njësi mund të forcojë mjaft pozitat në qarkun e Korcës që mund të cojë LSI tek dy deputetë, ky është qëllimi final i Metës, por mer dhe administron një njësi që në fakt po bëhet më e madhe se bashkia e Korcës në shumë parametra ekonomikë dhe sociale.

Kryeministri kërkon të mos e lëshojë këtë bashki pasi kandidimi i LSI është një shans për PD. Kjo për disa arsye. LSI ka marë gati 90% të institucioneve dhe ka shpërblyer strukturat e saj, ndërkohë socialistët janë me gisht në gojë. Fakt që ka ngjallur xhelozi dhe përplasje midis partive të mazhorancës dhe strukturave të tyre në bazë.

Fitorja në rast se ndodh bashkinë Pogradec nga LSI e bën këtë njësi Skrapar votash në juglindje. Kjo nuk i intereson Ramës, pasi do humbte shumë terren me LSI-në dhe Meta do ishte gjithnjë dhe më i forte.

Kandidimi nga LSI qofte i Roshi Tollozhinës apo kandidates tjetër Mimoza Gusho, mund të sjellë një bojkot të socialistëve por qytetarëve të Pogradecit në vecanti, ose një votë masive kundër. Kjo është frika tjeter e Ramës, kandidimi i njerzve të Metës mund të ishte një autogol për mazhorancën dhe kreu i qeverisë kërkon me cdo kusht të mbajë Pogradecin. ?Molla e sherrit? vazhdon të jetë qytetit liqenor edhe për disa ditë, ngelet të presim të shohim kush do dorëzohet Rama apo Meta. Kuptohet nuk është qendra e botës, por vendi ku luhet politikë për momentin.