web counter
LEXO PA REKLAMA!

SHKARKO APP

App Store
Google Play

PD çon mandatin e Kokëdhimës në Kushtetuese

28 Shkurt 2015, 10:25, Aktualitet CNA

Partia Demokratike ka akuzuar dje deputetin Koço Kokëdhima, se ka shkelur 150 herë Kushtetutën duke përfituar para nga fondet publike. PD pretendon se deputeti ka përfituar fonde përmes kompanisë ?Abissnet? dhe për këtë arsye i ka kërkuar kreut të Kuvendit, Ilir Meta, që t?i heqë atij mandatin.

Ishte deputeti Gent Strazimiri, ai i cili në një deklaratë për mediat u shpreh se deputeti përpara se të merrte mandatin duhet të kishte hequr dorë nga aksionet tek kompania në fjalë. ?Mirëpo, deputeti i Edi Ramës, duke injoruar në mënyrë flagrante Kushtetutën dhe ligjin, ka përfituar në xhepin e tij plot 150 herë fonde publike.

Ai jo vetëm nuk hoqi dorë nga aksionet dhe nga përfitimet e të ardhurave nga Buxheti i Shtetit, por në nëntor të vitit 2013, pra 3 muaj pasi ishte bërë deputet, i rriti aksionet e tij në kompani, duke u bërë aksioner i vetëm me 100 përqind. Koço Kokëdhima ja ka dalë disa herë t?i shpëtojë ndëshkimit të ligjit dhe ai është një shkelës i përsëritur, me ndërtimin e sarajeve 20 metra larg detit, e me disa ndërtime të tjera në Tiranë?, tha Strazimiri.

Kërkohet heqja e mandatit

Prej disa ditësh Partia Demokratike lëshon akuza në drejtim të deputetit Koço Kokëdhima, por ky i fundit i ka kundërshtuar ato. Megjithatë, PD këtë herë i ka bërë thirrje kryeparlamentarit Ilir Meta që të marrë masa për t?i hequr atij mandatin duke e çuar çështjen në Gjykatën Kushtetuese. ?Por kësaj radhe, ai ka guxuar shumë duke u tallur me Kushtetutën e vendit. Ne i bëjmë thirrje kryetarit të Kuvendit të trajtojë me shpejtësi kërkesën e Partisë Demokratike për dërgimin e çështjes në Gjykatën Kushtetuese, për mbarimin e mandatit të deputetit Kokëdhima. Me miqësinë që ka me Edi Ramën, ai mund të vazhdojë të jetë beu i Jugut, por deputet nuk është më. E ka humbur mandatin. Dhe një këshillë falas: Sugjeroju ?juristëve? të tu, të lexojnë Vendimin e Gjykatës Kushtetuese për rastin ?Beqja?, gjithashtu mik i Ramës, shkelës vetëm në një rast i ligjit, d.m.th të paktën 149 herë më pak se ti?, u shpreh më tej Strazimiri.





Lajmet e fundit nga