E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Grupi i Topallit refuzon Arben Imamin në Shkodër

28 Shkurt 2015, 10:19, Aktualitet CNA

Vendimi i dy bashkëkryetarëve të Partisë Demokratike, Lulzim Basha dhe Sali Berisha, për të zëvendësuar Jozefina Topallin me Arben Imamin, për drejtimin e fushatës zgjedhore në Shkodër, është konsideruar si provokim i rëndë nga mbështetësit e zonjës Topalli në Shkodër. Goditja e pamëshirshme e Jozefina Topallit nga Lulzim Basha, duke i dhënë rolin e saj Arben Imamit, është reflektuar me tension, nervozizëm dhe akuza në Partinë Demokratike të Shkodrës, sidomos nga ajo pjesë që mbështet rivalen më të përbetuar të Bashës.

Sipas burimeve, menjëherë pas mbledhjes me dyer të mbyllura të grupit parlamentar të Partisë Demokratike, ku caktuan drejtuesit e fushatës për zgjedhjet e 21 Qershorit, mbështetësit e Topallit kanë zhvilluar disa mbledhje informale, ku është kërkuar që të mos pranohet Arben Imami si drejtues i fushatës së PD në Qarkun e Shkodrës.

Teksa Topalli e ka kapërdirë në heshtje goditjen e radhës që i dha Lulzim Basha, mbështetësit e saj i kanë dhënë sinjalin e parë Imamit, që të mos duket në Shkodër. Sipas burimeve nga drejtuesit e PD në Shkodër, mbështetësit e Topallit kanë kujtuar faktin se Arben Imami ka dalë kundra demonstratave të para kundër regjimit komunist në vitet ?90-?91.

Bëhet fjalë për një dalje të Imamit asokohe, duke i konsideruar protestat si të dhunshme. Një tjetër arsye se pse mbështetësit e Topallit në Shkodër refuzojnë Imamin, ka të bëjë me faktin se Arben Imami në vitin 1997 hipi mbi tank për të rrëzuar Sali Berishën nga pushteti. Ai është konsideruar si udhëheqësi i kryengritjes komuniste për të rrëzuar PD nga pushteti.

Sipas burimeve, Imami nuk ka shkuar ende në Shkodër, në zbatim të vendimit të grupit parlamentar për të nisur përgatitjet për fushatën elektorale në Shkodër. Por, prezenca e parë e Imamit në Shkodër, pritet të shkaktojë debate dhe një konflikt të fortë me mbështetësit e Topallit. Kjo e fundit vijon të tregohet e matur dhe e kujdesshme në raport me Lulzim Bashën, njeriu që po i pret gradualisht karrierën politike në Partinë Demokratike. Topalli vijon të bëjë opozitë në një gjatësi vale me Sali Berishën, ndërsa ka shmangur çdo koment sa i takon mënyrës se si Basha po e drejton PD. Gjithsesi, shpërthimi i Topallit pritet pas rezultatit të zgjedhjeve, gjithnjë nëse Basha do t?i humbasë.

Mbledhja e grupit Në mbledhjen e fundit të grupit parlamentar të Partisë Demokratike, Lulzim Basha ka larë hesapet me disa nga kundërshtarët e tij në parti. Kështu, kritikun Astrit Patozi e zëvendësoi me Arben Ristanin në Vlorë. Ndërkaq, Mesila Dodën e ka zëvendësuar me Enkelejd Alibeajn në Fier. Topallin e ka nxjerrë jashtë loje, duke e zëvendësuar me Arben Imamin. Ndërkaq, në vend të Bregut, ka vendosur Edi Palokën.

Gazeta “Sot”