web counter
LEXO PA REKLAMA!

SHKARKO APP

App Store
Google Play

E fundit!

x

Ne jemi emra rrugicash

28 Shkurt 2015, 08:22, Aktualitet CNA

Nga Artan Fuga

Unë të dekoroj ty, ti më dekoron mua, ne dekorojmë njeri tjetrin, pastaj ata na dekorojnë ne dhe ne dekorojmë ata për një meritë që nuk është në dorën tonë ta vlerësojmë.

Unë të bëj qytetar nderi ty, ti më bën qytetar nderi mua, ne bëhemi qytetar nderi i lagjes të atij. Ai na bën qytetar nderi të fshatit tonë. Unë bëhem fshatar nderi i qytetit tim. Lagjia ime bën qytetar nderi atë. Ne jem të gjithë ndera të kombit, qytetarë të kombit. Jemi si lojtarë të një ndeshje ku arbitri janë vetë lojtarët.

Unë të ve ty emrin rrugicës ime, ti vendos emrin tim rrugices tënde. Rrugicat tona kanë emrin e atij.

Ne jemi të gjithë heronj, qytetarë nderi, emra lagjesh.

Unë bëj veten time doktor honoris kauza, ai bën veten e tij honoris doktor kauza. Doktora pa diplomë. Ne bëjmë atë doktor honoris kauza. Kauza jonë është të bëjmë doktora njeri tjetrin.

Doktorat e vërtetë janë në grevë një orëshe në 24 orë. Pastaj ti më bën atë “infermier turpem kauza”. Ne jemi doktora infermierë që kemi bërë njeri tjetrin doktora honoris kauza. Nderi ynë ka rënë te gjunjët sepse shkenca të së cilës jemi doktor nuk njeh as nderin as turpin, njeh vetëm të vërtetën e rrejshme.

Unë do të quaj burrë shteti, ne do t’i quajmë ata dëshmorë të mëmëdheut, burrat e shtetit janë doktora honozis kauza, kurse doktorat honoris kauza janë infermiera pa dëshmi testimi, të gjithë jemi fshatarë nderi të qytetit ose qytetarë nderi të fshatit të të cilit jemi qytetar.

Ne jemi bërë çorbë derri dhe pastaj çorben e derrit e rrufisim me nder !

Unë të bëj ty një fotografi, ti më bën mua një portret, unë të bëj ty një bust, ti më bën një përmendore, po sikur t’i bëjmê njeri tjetrit një grup skulptural?

Jo më mirë bëjmë një self(h)ije që të tallemi me këta që rrinë prapa nesh dhe na shohin si statuja.

NE, JU, JEMI MASKA NË NJË BALLO PA MASKA!

Beter!





23:02 Aktualitet

Muri i Londrës

Muri i Londrës është një mur mbrojtës që ka rrethuar qytetin...

Lajmet e fundit nga