web counter
LEXO PA REKLAMA!

SHKARKO APP

App Store
Google Play

Paskal Milo: Rama braktisi aleatët

28 Shkurt 2015, 10:37, Aktualitet CNA

Kreu i Partisë Demokracia Sociale, aleat tradicional i Partisë Socialiste, ka komentuar shpërthimet dhe turbullirat e brendshme në selinë rozë, në prag të fushatës zgjedhore. Milo ka identifikuar dy tendenca sa i takon pakënaqësive në Partinë Socialiste.

Kreu i PSD ka shtuar se Rama po përdor të gjitha mjetet dhe instrumentet për të riparuar të çarat e anijes socialiste, ndërsa ka shprehur bindjen se do të ketë një masë të konsiderueshme nga elektorati socialist që nuk do të marrin pjesë në zgjedhjet e qershorit. Milo shprehet se kjo qeveri nuk i ka mbajtur premtimet elektorale, sidomos sa i takon punësimit.

Ai thotë se deputetët nuk u hapin telefonin qytetarëve që i kanë votuar, pasi nuk kanë çfarë t?u thonë.   Sipas tij, kritikat ndaj qeverisë nuk vijnë vetëm nga deputeti Doshi, por edhe nga shumë deputetë të tjerë, të cilët ndajnë të njëjtin mendim. Kreu i PDS, Paskal Milo, ka komentuar edhe ngjarjet e viteve ?96-?97 në Shqipëri. Ai ka deklaruar se këto ngjarje nisën me zgjedhjet e 26 Majit të 1996, ku policët që kishin për detyrë të ruanin qendrat e votimit, uleshin këmbëkryq brenda në tavolinat ku votohej dhe diktonin si duhej të votohej.

Milo dëshmon se shkopinjtë që ka marrë mbi kurriz në sheshin ?Skëndërbej? në 28 Maj të ?96 nga SHIK i Sali Berishës, pasojat e të cilëve i ka ende në trupin e tij. Milo deklaron se disponon dokumente që faktojnë dhunën e atyre viteve, të cilat një ditë mund të botohen. Sa i takon komisionit për rishikimin e historisë, Milo u shpreh se po punohet për hartimin e teksteve të historisë për arsimin parauniversitar. Ai i bën thirrje qeverisë që të nxitojë të bëjë amendamentet në ligjin për arsimin parauniversitar dhe të marrë masa praktike dhe konkrete për t?i ardhur në ndihmë komisionit për të përmbyllur këtë proces të rëndësishëm.





Lajmet e fundit nga