web counter
LEXO PA REKLAMA!

SHKARKO APP

App Store
Google Play

"Apple" humb 113 miliardë dollarë pas padisë nga SHBA-ja

22 Mars 2024, 14:45, Tech CNA

"Apple" humb 113 miliardë dollarë pas padisë nga

Aksionet e "Apple" kanë rënë me 4.1 për qind në mbylljen e bursës në Shtetet e Bashkuara të Amerikës, ku kompania humbi rreth 113 miliardë dollarë nga vlera e saj e tregut.

Sipas “Bloomberg”, kompania po përballet me probleme në të dyja anët e Atlantikut, pasi Departamenti i Drejtësisë së SHBA-së ngriti një padi kundër "Apple" të enjten për një monopol të supozuar në tregun e smartfonëve, ndërkohë që kompania po përballet edhe me një hetim nga Bashkimi Evropian për shkelje të mundshme të Aktit për Tregjet Digjitale (DMA).

Padia e shumëpritur në SHBA vjen pas vitesh pretendimesh nga kritikët se "Apple" po dëmton konkurrencën për shkak të kushteve kufizuese të aplikacioneve, tarifave të larta dhe aksesit të kontrolluar fort në harduerin dhe softuerin e saj.

“'Apple' po minon aplikacionet, produktet dhe shërbimet që përndryshe do t'i bënin përdoruesit më pak të varur nga 'iPhone'-ët e tyre”, tha në një deklaratë Departamenti Amerikan i Drejtësisë.

Sipas paditësit, "Apple" përdor monopolin e saj "për të nxjerrë më shumë para nga konsumatorët, zhvilluesit, krijuesit e përmbajtjes, artistët, botuesit, bizneset e vogla dhe shitësit me pakicë".

“Reuters” njoftoi të enjten se organet rregullatore antimonopol të Bashkimit Evropian synojnë të hetojnë kompanitë e teknologjisë "Apple", "Meta" dhe "Google".

Më 4 mars, Bashkimi Evropian tashmë e gjobiti "Apple"-in me 1.8 miliardë euro për shkeljen e ligjeve të konkurrencës dhe abuzimin me pozitën e saj dominuese në treg për shitjen e aplikacioneve të transmetimit muzikor, raportoi "CNN"./CNA 

 





Lajmet e fundit nga